Untitled

Korimako, Issue 36, 15 January 1885, Page 1 (Supplement)

E HOA, Tena koe! Ki oku hoa aroha i Aotearoa e Titiro Nupepa ana, tena koutou. He Hua Kakaramu i kitea iho kite waewae ote Korimako e mau ana ite panui otels o Tihema. E mea ana, kia kohikohia ano he moni mo te haere ki Ingarangi, mo te tahi atu pitihana i Hanga ite Tau 1883 na Mitai raua ko Hirini i maumau kite upoko ote motu, kei au te kape o tana pitihina. Ite Taenga mai nei ota Tawhiao ma, ka titiro au ki ta ratou, i pau katoa nga kupu o taua pitihana Tawhito ki roto i ta Tawhiao ma, kore rawa he take o o tatou motu e Rua i Toe i taua pitihana, pai atu te whakahaere, mohio rawa a Tawhiao ratou ko ona hoa. Ahakoa ko te hea pitihana atu mana e he ai ta Tawhiao, kore rawa ki mua atu, kore rawa ki muri iho, i ena te aha. Te Kupu whakautu a Rore Tape, kua takoto hoki ki toku aro aro te tahi pitihana o nga rangatira nei. Kaore ano ahau i kite noa ite tahi pitihana o mua atu ite nei i tae mai ki toku aroaro, te tika, te pai o nga take, mete whakahaere ote nei pitihana. Tuarua o ana kupu, Waihoki ka mau tonu i au nga kupu o toku tnatua i kii ai, e kore rawa ahau e pai kia takahia te Tiriti o te iwi Maori, e rite tonu ana te mana o taua Tiriti kite mana, o nga Tiriti ki nga iwi katoa ote ao. Tena rapea e aku hoa, me titiro marire koutou ki ena kupu o te Mangai o te Kuini tangata. Kia au kite whakaaro kore kuare, he oti tenei na Tawhiao ma, aha koa iti iti whiwhia, aha koa iti taua kupu mo te Tiriti o Waitangi, Karapa, tu, kirunga. Tena koe ! E Tera wahi e Tera wahi o nga motu e rua nei, whakarongo marire koa, kia ata Tatu te Taumauri ki raro o ta Tawhiao ma, hea koia ti pitihana ki ta koutou e utua pai tia mai; ko to muri ra nei i tenei ? Kao, ki taku mohio ko tenei anake. Kahore i muri iho. Tena ua Hirini Taiwhanga kei aia rano te ritenga o taana, he iti koia uana te Kamupane % Erangi te ruihi kau o tona hoa o Parore, whaihoki ko tatou e aku hoa, kia marama, Titiro te Kanohi, kia kite rano i te nawenga o nga whao, hei reira ka whakaruhi ai ano ia tatou, e hara tenei i te whaka he mo te kohikohi moni. Erangi mo ta Tawhiao ma, kia ata umai ki uta. Erangi e te iwi, e nga rangatiratanga, e nga whakaaro nui, rapua mai he tikanga e koutou e nga iwi o "Waho, mo te ra e Karangatia ai koe ki Whatiwhatihoe ina tae mai a te Wheoro, hei reira koe whakapuaki ai ou whakaaro, me tou mohiotanga. Tuarua. Ki nga Hoa e mau nei nga ingoa i nga Harirau oTe Korimako, e whakanui mai nei ite oranga mo ta tatou manu kite pauna, kite tekau, kite ono, kite rima, mete wha. Tena koe, e hoa! Ma te pahihi ra nei e whakarite te utu mo te kaipuke \ Huatu au, ma te kapene ano, me to nga rerewe, ma te rangatira ano e whakarite tona utu, Waihoki ra ko Te Korimako, ma tona kapene ano te whakaaro kite iti, kite nui, ki taku mohio he pei tenei ia matou nei i nga rawakore, i nga tutua kei eke atu ki to koutou waka, kei rongo i nga korero o te ao. Heoi ra nga kupu. Na to koutou hoa. Na PAORA TUHAERE. Okahu, Akakana, Hanuere, 1885.