He Kaumatua, me te Tama, me te raua Kaihe.

Korimako, Issue 22, 15 December 1883, Page 4 (Supplement)

He Kaumatua, mete Tama, mete raua Kaihe.

He kaumatua, mete Tama, e haere ana e whiu ana i ta raua kaihe ki tetahi kainga hokohoko tutata mai ki to raua kainga he hiahia kite hoko i ta raua kaihe. Kihai hoki i tawhiti atu to raua haerenga ka tutaki ki tetahi tira wahine e noho huihui ana i te taha o te tahi pokawai, e korero ana, e kakata ana, "Kia kite ra, e ai ta tetahi o aua wahine nei, " i kite ranei tatou i te hunga penei ki hea, e haere a waewae ana i runga o te huarahi, i te mea he kaihe nei to raua hei ekenga mo raua 1" rongo kau atu ano te kaumatua nei i tenei, tere tonu tana whakaeke i tana tama ki runga ki to raua kaihe, a ko ia ka haere a waewae tonu i te taha, mete ahua harihari tonu. Kihai i roa ka tae raua ki tetahi wahi, rokohanga atu te ropu kaumatua nei e noho ana, e whakatu korero ana. "Na," e ai ko ta tetahi, "Ka pono taku i mea tata ake nei. He aha nga whakapainga e whakaaria mai ana i enei ra ki nga kaumatua ? E kite atu ana koutou i te tamaiti mangere e eke haere mai ra i runga i te kaihe ra ko te matua koroheke e haere raro ana % Haere ki raro, ia tamaiti haua kaihau a tukua atu te kaumatua nei kia okioki ai tona tinana ngenge iwikore." Mei runga i tenei, ka mea te kaumatua nei ki taua tama kia heke ki raro, a ka eke ko te kaumatua ki runga ki to raua kaihe, kihai i tawhiti ra to raua haerenga peneitanga ka tutaki ki nga mahi a te wahine, a te tamariki: " Katahi ano ka pararetia mai tona tini o te reo ia kaumatua mangere/' tou manawanui kite eke haere i runga i te kaihe na, i te mea e kite iho na ano koe, kua kore noa iho he iwi o te wahi tamaiti na kite haere tahi mai kia korua ko te kaihe ?" Ko te humarire, ngakau pai, o te kaumatua nei ka aroha, i reira pu ano ka hiki ake i tana tama ki muri i a ia ki

runga ki to raua kaihe. A kua tata rawarawa kite taone i tenei wa, kite wahi e haerengia nei e raua. Mei reira ka tutaki ki tetahi rangatira nui ka mea atu taua rangatira, " E taku hoa pono," be patai atu tenei naku kia koe, "nou ano ranei te kaihe na V' Ka mea atu te kaumatua nei " Ae." "Aue, e mea ra te tangata penei me au nei, e, no tetahi atu, eliara 1a koe, "ma hoki ka whakapikauria taimahatia e koe, heoi, ki taku mohio he kaha ke korua kite pikau haere i to korua kaihe, i tona kaha kite pikau ia korua." " Heoi rapea kia tatu ai te whakaaro," e ai ko ta te kaumatua nei; "me whakamatau ra hold" Na, ka heke me taua tamaiti ki raro, ka herehere i nga waewae ota raua kaihe. Ka mau kite tahi pou hei awhina ia raua, ka komotia kite herenga o nga waewae, ka hiki haere ai ki runga ki o raua pokohiwi ka haere i runga i te piriti arawhata whakawhitinga awa, e ahu atu aua ki te tomonga atu kite taone. Kitea kautia mai ano e te tini ote tangata. Katahi ano ka popotia ka kataina; a riri noa iho te kaihe nei kite nui o te turituri, me tenei mahi kia ia i herea nei ia a e hikitia haeretia nei ia, katahi ano ka whanawhana ka motumotu i nga here e herehere nei i a ia, a, marere atu ana i te pou, ki roto kite awa. Mei runga i tenei ka mate te kaumatua nei i te whakama 1 te whakatakariri, noa iho, huri ana te aroaro hoki atu ana ki tona kainga, whakaaro haere ana na runga i tana hiahia kia whakarongo kia ngakau pai ki nga tangata katoa, heoi hore rawa he painga i pa kia wai, kia wai, a kahore rawa he tikanga ki aia mo tana kaihe kua mate nei. Mei haere ano ia i runga i tana ake whakaaro penei ekore ia e raru. Ko te mate tenei ote whakarongo ki ta tangata toliutohu.