Te Atua Ngaro, ara Te Atua Kahore i Mohiotia.

Korimako, Issue 22, 15 December 1883, Page 3 (Supplement)

Te Atua Ngaro, ara Te Atua Kahore i Mohiotia.

HE WHARANGI TENEI MO TE TAKE I MOHIO AI A WIREMU PARAONE KI TE ATUA.

Pera ano me nga tangata e noho ana i Atene (tirohia i nga mahi a nga Apotoro xvii. 22, 23) i pena tahi ano etahi tangata i naianei ahakoa kei a ratou te kupu a te Atua e pupuri ana i o ratou ringa, ko te Atua kite tokomaha o ratou, he Atua ngaro kahore i mohiotia, ngaro rawa, nareira kahore e whakaarohia hore rawa e whai maharatanga ko te Manaakitetanga hapa rawa; ko te Atua kaha rawa nana nei i hanga nga mea katoa, nana i hanga te tangata, nana i whakahangia te manawa ora ki ona pongaihu. He tokomaha o ana mokai kahore e mohio, kahore e whakapono ki to ratou kaihanga, kapea ana tenei whakaaro, hapa ana, ngaro rawa ana, te whakaaro kite Atua. Ko te Atua i tona matauranga e kore e hiahia kia whakakitekitea a ia ake ki tetahi tangata kati ano ko ena anake e rapu ana i a ia i te Wairua mete pono ko ratou e hono tonu ana to ratou whakaaro to ratou hiahia, kia mohio kia aroha ki to ratou kaihanga me to ratou kaitohu a kia ratou e whakakitekite ai ia, ki o ratou ngakau he tino matapuna ia, o te haringa mete whakamarietanga, te kaha, no te mea e rongo ana ratou i te paanga o tona aroai>o ki o ratou ngakau, me tana ftiana tiaki i a ratou, pera tahi ano mete tamaiti e rongo ngakau jna ite atarangi mete aroha tonu o tona matua. Ka timaana e au inaianei he take korero pono i paa ai ki tetahi tangata i jttohio ai au. Ko taua tangata vUa hemo noa atu, whakawhiriI 1 an a ia kite Atua. i ako laere tona ngakau kite aroha J lll3 te mohiotanga ki tana kai-ang-a e runga ano i nga take ka pierotia nei- I mua i nga ra ivltea ai te koura ki Hauraki

ka- kite au i tetahi : tangata ka karangatia e au tona ingoa, ano, ko Wiremu Paraone i noho tahi ia me etahi atu ki to maton whare kotahi, a i nga wa katoa e ahei ai ia, ka korero whakaatu mai kia matou tona aroha ki tona. matua i te rangi me tona Tamaiti a Ihu Karaiti; ka korero mai ia ki au nga korero i raro iho nei. I te wa o taku taitamarikitanga i noho au i te taone i karangatia ko Maniheta, i Ingarani, ko taku mahi i reira he kai whatu tokena hiraka, ko aua tu kakahu mo nga waewae i ta.ua wa i tino minamina i tino hiahia ai e te tangata otira mutu ana te tangata te kakahu i aua tokena hiraka, a no terra kahore he mahi maku tokomaha nga tangata hoki i mahia ai taua mahi, kahore i whai mahi, a mate ana ratou i te kore kai. I taua wa e hara au i te tangata whakapono ara he Karaitiana ko taku paipera kihai i hono tonu te korero ko te inoi hoki whaiti ka mahue katoa kahore au i mohio kite Atua; i etahi wa i awangawanga ano au, tera ra nei he Atua kahore ranei ? Ahakoa kua maha aku korerotanga i te pukapuka whai korero mo te Atua. Kahore ano au i tino rapu atu i a ia kia mohio ai au. Ko taku wahine me aku tamariki nonohi e ngaua ana e te liiakai, tangi ana ratou mo tetahi oranga, kua poto nga taonga katoa o te whare i au te hoko mo etahi kai, hore rawa he mea i toe, ka tahi au ka noho ki raro ka whakaaroaro', me pehea ra e whai oranga mo aku tamariki ? I runga ano i te mamae o taku ngakau i haere ano au kite kimi mahi maku heoi kore noa iho i whiwhi hoki noa mai; te take he tini rawa no te tangata e rapu mahi ana, hoki noa mai au ki taku kainga, ka rokolianga aku tamariki e tangi ana ora noa au ka porangi i te aroha mo aku tamariki, ka noho aliau ki raro ka whakaaroaro ano au, kowai ra hei awliina i au ? ■ Tera ranei he Atua kia rongo meliemea ka inoi atu au ki a ia mo tetahi oranga ? j

E pai mai ranei ia ki au ? E whakaae mai ranei ia ki au ? Katahi au ka tae kite paipera ka wherahia e au tetahi o nga wharangi ka kite iho au i enei kupu. Wliakawhirinaki ki a Ihowa maliia te pai, a ka noho koe kite whenua, ka ata kai marire hoki (nga Waiata xxxvii. 3), ka kite ano hoki au i enei kupu a Ihu Karaiti Inoia, a ka hoatu ki a koutou; rapua, a ka kitea e koutou, patukia, a ka uakina kia koutou. (Matiu vii. 7.) Ea whakaaro ahau, he pono ranei enei kupu? He kupu ranei enei na te Atua? He kupu tawai ranei moku ? He kupu teka ranei ? I ahua riri ano taku ngakau. I kaha rawa toku ngakau kia whakamatautauria te pono o enei kupu, katahi au ka haere ki taku ruma moenga tutaki rawa te kuwaha tuturi ana nga turi katahi au ka tino inoi kahore i penei taku inoi imua iho, ringihia ana e au taku. Wairua kite aroaro o te Atua kia whakarongo mai ia ki au mo te aroha o Ihu Karaiti kia tukua mai he oranga mo aku tamariki e ngaua nei e te h.emokai. I au e inoi ana ka haere mai taku (kotiro) tamahine iti ka patukituki mai i te kuwaha ka mea mai kua taemai te minita kia kite i au: katahi au ka mea atu. Kii atu kite minita e raruraru ana au kahore au e ahei kia kite i a ia inaianei, i inoi tonu atu au kite Atua kia utua tonutia mai taku inoi; ka hokimai ano taku kotiro ka mea mai e kii ana te minita, kahore e roa te wa liei taringa mona ia au. Ka whakaaro au ko ia nei pea te utu mai a te Atua mo taku inoi. Haere atu ana ahau kite ruma, kei reira nei, te minita e tatari mai ana ki au, ano koia e peliea ana au, kua whiwhi ranei au i te mahi, kii atu ana au kahore, ka mea mai ia. E Vviremu me wliakawhirinaki ki a Ihowa a ka liariru o maua ringa wailio iho ana ki taku ringa e rima liercni i a ia e poroporoaki ana ki au, kii iho ana man a e rapu etahi mahi maku; puna ake ana te wai

arolia o toku ngakau, hore rawa raw a he knpn moku, kia puta. E tino mohio ana aliau inaianei tera ano ia, he Atua, a rongo mai ana ia i te tangi o te rawakore kahore e tawai ana te paipera i au, he pono rawa, pono katoa tika rawa nga knpn o te paipera. Katahi au ka whakamoemiti kite Atua ka ngare i etahi o aku tamariki kite hoko taro. I muri tata mai, ka kitea e au he mahi maku, a no taua wa taea noatia te ra nei o taku koroheketanga kahore au e wehi mo te mate kai, notemea e mohio ana au kite Atua me taku kaiwhakaora, i taku nei akoranga kua tupu haere te aroha mete mohiotanga ki taku Ariki. I muri mai i tenei akoranga ka kite au i taua Minita, patai atu ana ahau ki a ia he aha te take i haere mai ai ia kia kite i au i taua wa. Kii mai ana ia. Na e Wiremu: lan meake ka noho kite kai i taku tina i reira ka penei mai taku hoa wahine ki ahau. E mohio ana ranei koe e pehea ana a Wiremu Paraone? Kii atu ana au kahore. Otira kua nui noa atu taku whakaaroaro ki a ia i te ata nei. Ka haere tonu atu au kia kite i a ia ko te kaha o te hiahia o te ngakau kihai i tukua ahau kia noho mo taku tina otira haeremai ana ahau kia kite i a koe. I taku taenga mai ki to whare ka kite au kahore he taonga o roto o nga ruma ko nga iringa kakahu hore he mea irunga ko nga kanohi o o tamariki e titiro mai ana i te titiro o te mate kai, kite ana ahau e hara i te hanga to mate nui! Na te Atua i whakahanga atu au kia awhi i a koe kia hoata ena hereni e rima waihoki kia whakahauhau koe kia whakawhirinaki atu ki a ia. Ko tenei korero . pono na Wiremu Paraone tonu i korero mai ki au i etahi tau kua mahue ake nei. Na Eruera Hanatero".