Te Korimako. "Kei te Atua to tatou piringa." TIHEMA 15, 1883.

Korimako, Issue 22, 15 December 1883, Page 1

Te Korimako. "Kei te Atua to tatou piringa." TIHEMA 15, 1883.

Ko te takiwa e whakanuia ana e nga iwi mohio i te ao, puta noa i nga topito e wha, ko te takiwa ote Kirihimete. Kei reira ta Ingarani; kei reira ta Amerika; kei reira ta Tiamana, ta Ruhia, ta Roma, ta Parani, ta Puruhia, ta Paniora, ta Potukera, mete tini atn o nga rangatiratanga. Te take i nui ai, ko nga ra i whakatangata ai a Ihu te Atua Nui o te rangi: te Tama Kotahi a te Matua. He tatanga, kua tata taua Ra, koia i puta ai te kupu a Te Korimako, kia wliakamaharatia e Aotearoa, i runga i te ngakau-aroha, te Ra Nui, i whanau mai ai a te Karaiti, i putawhakarere ai te maramatangakehokeliotanga i te Rangi, i tau ai te rangimarie-whakamiharo ki te Whenua, mete Rongo-Mau ki nga tangata katoa.

Ka wliano ka tae tenei kite mutnnga o nga tau e rua, i koroki - liaere ai tenei manu wlietau ki nga whakatenetenetanga, me nga taporetanga o Aotearoa; peka atu lie kainga^

peka atu lie kainga, he wliai i etahi pitopito kakano kia karawhiua mai ki roto ki tana wahi kono. He liautete noa te hanga; he komemememe te hanga; lie whakatangitangi te hanga; he whakahiakai tonu te hanga, aue! hei aha ma te tini, ma te mano, ma nunui ma, ma maruwelii ma, ma marntuna ma ! Me he mea i ihupukutia e te manu nei tana hemo-kai. rere-rukaruka atu ai ki hau puanuanu o te po, ehara i te motu nei tena he; engari, he whakamomori marire tena na Te Korimako i a ia ano. Tena ko tenei; hono tonu, hono tonu te tangi kite motu, mo te mate rawa atu o tenei nupepa, kua poturitia nga taringa i te marama, i te marama; "a, kua aliua penei te mahara o te ngakau:—" Ae lioki pea, kua turi nga taringa o Aotearoa, kua utongatia te ngakau." Ina hoki ra, kua oti te whakahuihui e te Pakeha nga Maori o te Motu; a, kitea ana, e 40,000 tangata; tuma. Na ! i roto i enei wha-te-kau mano Maori ko nga tangata i tarapeke mai kite whangai i Te Kopjkako e 765 tangata. Ko te nuinga e wliakahawea ana, e whakangoikore ana i a ratou ano, titiro-whakatau mai ana, e wliakanene mai ana, e whakakaitoa mai ana. Kati, ka liurihia kite tua te 39,000 Maori e wliakatiki nei i ta ratou manu; ka huri te mahara kite 765 Maori e raranga mai nei i te putea-wha-kairo, i te whiri-rua, i te poliewa, i te paro, i te poti-rua, i te tini noa iho o nga pukoro hei kohi, tawa, kopi, taraire, koroi, titoki, aha, aha, kia ora ai te manu e whakaahuruti ana e ratou. No

tetahi iwi he kete-ki, no tetahi ivvi he peketua, no tetahi he hangere, no tetahi he rukuruku; kaore koa, e te whanau, he tikanga, tona ingoa he kai. Nana ka kete-ki, nana ka poti tahi te rourou, pai tonu u a maua ko Whakaotirangi. Tena tatau mai i nga hua:—No Nepia, e 85 nga hua o tana kete; no Turanganui, e 67 nga hua o tana kete; no Tokerau, e 53 nga hua e tana kete; no Hokianga, e 47 nga hua o tana kete; no Kaipara, e 48 nga hua o tana kete; no Ahipara, Parengarenga, me Mangonui, e 51 nga hua o ta ratou kete; no Wlmngarei, e 24 ki tana kete; no Akarana me on a takiwa, e 29 nga hua o tana kete; no Hauraki, e35 nga hua o tana kete; no Karamaene, ell nga hua o tana kete; no Tairua, Whitianga, me Whangamata, e 10 nga hua ota ratou kete; no Tauranga raua ko Te Puke, e 18 nga hua ota raua kete; no Rotorua rao ko Te Rotoiti, e 11 nga hua ota raua kete; no Te Wairoa, Roto Tarawera, e 22 nga hua o tana kete; no Maketu, e 9 nga hua o tana kete; no Te Matata, e 9 nga hua o tana kete ; no Whakatane, e 10 nga hua o ta.na kete; no Te Teko rao ko Karatia, e 10 nga hua o tana kete; no Opotiki tae atu ki Raukokore, e 24 nga hua ki ta ratou kete; no Poneke, e 28 nga hua o tana kete; no Whanganui, e 40 nga hua ki tana kete; no Taranaki, e 10 nga hua o tana kete; no Kawhia, Aotea, Mokau, me Whaingaroa, e 15 nga hua ki ta ratou na kete; no Taupo, ell ki tana kete; no Waikato, e64 nga hua o tana kete; no tera motu, no te Moana Pounamu, e 28 nga hua o tana kete; no Wharekauri, te motu o Te Moriori, e 1 te hua 0 tana kono. Huihui ka lmihuia, e 765; a, ko te 39,000 o nga Maori e ligaki mai nei i tana kai, 1 te Tu-kau.