Te Weititanga o te Tangata e te Atua.

Korimako, Issue 9, 13 November 1882, Page 2

Te Weititanga o te Tangata e te Atua.

Raniera v., 27. He hakari ta te kingi; i whakahuihuia e ia 1,000 o ana Apiha rangatira. I era tu kainga i te Rawhiti, he mea ano eono marama o te hakari i nga huihui. Ko te mea, kaore i moliiotia te roa o tenei, ka tikina nga hiriwa me nga koura i murua mai i te temepara o Horomona, ara nga oko o te whare o te Atua. No te taenga ki tana hui nga mea tapu o te whare o Ihowa i Hiruharama, ka puta te umere 0 nga tangata o Pupurona, he whakapai ki o ratou atua pohehe. 1 te weherua pea, i te po, kua ahua he ratou i te inumanga waina, ka puta - whakarere te ringa tangata kite patu o te wliare-runanga tuhituhi ai i te kupu, rere aua te mataku, oho katoa kite titiro makutu ki nga tuhinga o te ringa ra i te patu o taua whare huinga rangatira. Na, Ida korero atu a au ki a tatou. Ko tenei tuhituhi i te patu o te whare, me tera tuhituhi i maunga Haina, heoti nga tuhituhinga a te Atua i whakamohiotia ki a tatou. E mau ana te tuhituhi ra, ka tomotomo mai nga tohunga hei titiro, mete tinitini o nga ruanuku, he whai i te tuhituhi ra, kia pumaramarama ai tetahi wahi o aua haehaenga, horerawa i kitea kia iti hei. I korero te kingi ra, ki te tangata hei whakaatu; otira, ehara i ta te tangata tuhituhi era, na te Atua ake; a ka ngaro noa iho i nga pu-tohunga o tenei hanga, o te tangata. Karanga noa te kingi ra, ka heia he mekameka koura Id te kaki, te tangata mana enei tuhituhi e whakaatu; ka hoatu hoki nga taonga nunui, me tetahi wahi tuatoru o te Kingitanga kite marama i a koutou enei tuhituhi. Kihai rawa i taea. Ka puta i konei a te Kuini, ka ki ake a ia, kite porokina kia haere mai tetahi tangata nana i whakamarama nga moemoea a Kingi Nepukaneha, ma taua tangata e whakamarama. Kataki ra ano

ka porokina atu a Raniera kia haere kite Kingi. Tae atu ka tukua iho e te Atua- nga mohiotanga ki roto kite ngakau o Raniera ; a, takoto noa te ritenga 0 liga tuhituhi ra koia tenei:— Mene, mene, Tekere, Uparahini. Ko te tikanga tenei o te mea:— Mene : kua oti to kingitanga te tatau ete Atua; mutu pu i a ia. Tekere : kua oti koe te pauna kite pauna, a, kua kitea tou koha. Perehe : kua oti to kingitanga te wahi, kua hoatu ano hoki ki nga Meri, ki nga Pahi. Ka tika taku titiro kite mama ;ki te taimaha o nga kai whakarongo o tenei korero, na te Atua hoki te Ture hei hapai. Eki ana a ia, kaua he Atua ke atu i a ia. E ! kua he tenei i a tatou kua whai tatou kite moni hei Atua, ki nga tikanga mo te tinana anake, ko te ngakau ia e rere ke ana. He nui te hara o Ingarangi raua ko Amerika, kaore i waihotia e raua ko te Atua hei tuatahi. Ko nga ngutu kei te Atua, ko te ngakau kei nga whakapakoko taonga, aha, aha, mamao noa atu te Atua i roto i te matapuna o te hinengaro. Kite kore ate Karaiti 1 roto tonu i a tatou, i roto tonu i te ngakau horerawa he wahi tika i roto i a tatou. Whakapono, whakapono ki a ia, kia nohoia ai te ngakau e te Runga [rawa. —D.L.Moody.