Nga Taheke.

Korimako, Issue 8, 14 October 1882, Page 2 (Supplement)

Nga Taheke.

Ko nga kupu, me nga whakaaro whakatupato iraro iho nei, i ahua rite ki nga kupu a Kawhe (Gough) te tino Tumuaki o nga Tiitotara o Amerika Whakarongo mai e nga taitamariki e paa ana jki tena kai whakawai tangata (ara te waipiro). E ae tana, i aku haerenga i ia wahi i ia wahi o Amerika i tae atu ahau ki nga Taheke nui o taua kaainga, rongo ana ahau i te harurutanga mete parikarangaranga o aua Taheke, aue ana te ngakau i te miharo. Ano ko su, ki taku hoa kohea te awa ra? "Tena" ano ki ia "ko te Awa Naeakara " Ano ko au, taukiri e ! katahi te awa pai, kohikohiko ana te uira o te wai, marino tonu ; pehea koia te tawliiti o nga Taheke? Kii mai ana taku hoa kotahi pea maero e rua ranei. Kati rawa te tawhiti, kotahi anake ranei maefo, e tae ano taua kite tino ia o nga Taheke ? u Koia ano tena, e Ta." I taku taenga atu i taku orokokitenga ia Naeakara hore rawa au e wareware. Tena ra, e nga taitamariki toia to koutou waka kia manu i runga i te awa ra, marino ana, hore he ngaru e ahua maeneene ana, tere ana te kare, i te ihu, koriporipo ana te ia imuri o te waka, ano te ahuareka, rere tonu koutou i te awa whakararo, ko nga hoe me nga ra, mete urungi e rite katoa ana haere koutou ki to koutou takaro ahuareka. Hoho whakarere ana te karanga o tetahi tangata i te tahataha. E Tama ma! E aha koia ? Kei raro iho nga Taheke. Ha, ha! kata tonu "ka kii ratou" kua rongo matou i aua taheke, he kuare koia matou kia haere ki reira ? Mehemea ka tere rawa ka ahu ano matou ki utu, ka whakaarahia e matou te tiratu mete ra o te

waka ekoro ra e wheau ka u kite wahi e pai ai matou. Tena ra hoea e hoa ma, kei wehi, kahore he mea e mataku ai. E Tama ma !! E aha koia ? Kei rare- iho nga Taheke ! Ha, • ha! kua pera ano te karanga o tetahi moho ! e aha i whakawarea ai ki ena Taheke, ka kata ka inu ano matou i nga mea e pai ai matou, e aha kia manukanuka ai matou ki nga mea o apopo ? keihea te tangata i kite ai taua ra ! Kati ano i tona rangi ano, ko te kino ona ake ano, ka awhi atu ano matou i nga mea e manako ai matou. He tino whakaoranga tenei i te ngakau, ehara i te hanga te rawe o te mahi nei, ano ka tata tatou kite rbma o te Taheke koreira ka urungi ketia ai ta tatou waka. Tena kia "umere tatou ? tukia ta tatou waka ! Hoea te ihu ! hoea te kei ! A-a-a-tena tiaia ! Kia ngoto ! E-e-e! Tena tiaia ! E Tama ma ! ! ! E aha koia ? Kiatupato!!! kiatupato!!! Ko nga Taheke keiraro iho ia koutou ! jTirohia te rae raka, ekore ra e | wheau ka puhure ! Tirohia te jroma o te wai e koropupu na, e taka awhiowhio ana i te taha o to koutou waka! E ! koia ano ! urungitia ! tena kia huri, Kei urupa nga hoe, kia kaha ! kia kaha I kia tere ! kia tere ! hoea ! kei mate, hoea ! kei mate, kia uaua! kia uaua! kia puta ra ano te toto o nga pongaponga, kia pena nga uaua o te rae me he aho ! Whakaarahia te tiratu hutia te rat E, e! Kete kete ana, kua tureiti! Ka tangi, ka kanga, aue ana, taka whakarere totohu-iho paremo ana i te ia i te kare o nga Taheke ! Tae ana ki uta te rongo o te parikarangaranga mete Tangi-a-tahu ! Toroaa te ringa Kite awa pouri kere kere Hui ake nga turi Ki porokaki E tuohu kau nei tatou.—E.

E mano e mano o nga taitamariki i tenei ao marama, i tenei whenua ahuareka e haere aue ana i ia tau, i ia tau ra runga i nga wai Taheke o te ha,urangitanga, ko te tangi tonu tenei; ano ka ronga au i te niamae o taua tu kai, koreira ka whakarerea e au. Kei waieware tatou e Tama ma kite whakatauki tuarangi "He huarahi ano tera e tika ana ki ta te tangata titiro iho; tona mutuiiga ia ko nga huarahi kite mate."— Na Te Irimana.