Ki a Te Korimako.
E koro tena koe korua tahi me to Iwi. Tenei ano taku kupu kia koutou, he kupu aroha naku mo o koutou tamariki, kia whiwhi ratou kite matauranga me te noho pai; he oranga hoki tenei mo tenei whakatupuranga o te Iwi Maori e noho nei i tenei pito o te inotu. Na, kua maha nga Tau i noho ai ahau ki tenei whenua kua tangatawhenuatia ahau, me oku whakaaro aroha mo te Iwi Maori. Na, ko tetahi tenei o nga nfahara i mahara ai ahau, kote take tenei me haere i te Iwi Pakeha ko tona matauranga, ehara i te mea ko te matauranga o nga tane anake, mehemea ko te tane anake e matau ana, kahore he matauranga a te wahine, penei kahore kau he mahara o te whaea e puta ki ana tamariki kia whiwhi ai ratou M te matauranga. Engari ia, he ata tonuta te wahine Pakeha i ana tamariki no te itinga mai ano, ko te tino taonga M a ia he matauranga mo ana uri kia mohio ratou kite korero pukapuka, kite tuhituki, kite mahi whika, kite tuikakahu, me era atu matauranga katoa. Koia tonu hoki ko te whaea te kai ako tuatahi i ana tamariki, no te mea e noho tahi ana ratou i roto i te whare, ko te papa ia e raruraru ana i ana mahi oranga itio ratou tahi ko nga tamariki. Koia ahau i mahara ai ko te take i noho mahara kore ai te tamariki Maori, he kore no te whaea e mohio ki tenei mea, ko te matauranga te taonga o te ao. Na ko te hua o enei whakaaro £ku, koia enei, i mea ahau me mahi e ahau tetahi mahi pai mo aku hoa aroha mo te Iwi Maori e noho tahi nei mete Iwi Pakeha i te motu nei, kei noho ratou hei muringa mo te Pakeha engari kia rite rite, kia rite te matauranga, kia rite te noho pai, kia uru ai nga Maori ki nga taonga pai o te Pakeha. Koia ahau ka mahara a me hanga a au tetahi whare kura mo nga tamariki wahine Maori, me kimi e au tetahi tangata pai, me tetahi
wahine pai bei kai whakaako mo aua tamariki, hei matua hoki mo ratou, kei ako hoki i a ratau ki nga mea katoa o te Pakeha. Na kua tu i ahau te whare kura, he whare nui whakaharahara kei Aromoho e tu ana taua whare, kua rite i ahau tetahi Pakeha ingoa pai me tona wahine hei kai whakaako. Na he tono tenei naku kia koutou ko tou Iwi me tuku mai e koe nga tamariki wahine o tou kainga ki taku kura, kaua ia e nuku atu i te kotahi tekau tau o te tamaiti ina tukua mai. Maku e utu te Akoranga, mete kai, me te moenga me nga kakahu mo nga tamariki e noho nei ki tenei kura hui katoa nga tamariki mo tenei kura ina kite whare kia rima te kau (50). Engari me ki atu e au tetahi pito mahara oku ki ahau ano, i mea au akuanei pea te rangatira Maori-ka whakaaro, ana he kura mo. te rawakore anake te kura o Tiatene, no te mea e ki ana ia, mana e utu te akoranga, te kai me nga kakahu. Heoi ano.—Na Tiatene.— Whanganui, Akuhata, 1882.
Permanent link to this item
https://paperspast.natlib.govt.nz/newspapers/KORIM18821014.2.19
Bibliographic details
Korimako, Issue 8, 14 October 1882, Page 6
Word Count
560Ki a Te Korimako. Korimako, Issue 8, 14 October 1882, Page 6
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in