14 Maehe 1848 Kaikonekone, ko te timatanga o te rohe: Karongangi Te Mutukahukura . . . [2 pages of place names and owner's names follow] E tuku ana i to tatou whenua ki te Pakeha. Mau, e koro, e mahara mai ki to matou aroha ki a koe. Kia penei hoki koe. Na Iraia ki a Paturoi E koro, kaua e wauauatia e koe, me whakaaro iho he tokotahi koe. Na, e koro ma, e kui ma, e tama ma, tena ra koutou katoa. Kia rongo mai koutou, kua tukua e matou te oneone o to tatou tupuna ki te Pakeha. Otira me penei tahi mai ta koutou tikanga me ta matou kia pai ai ta tatou tikanga kia waiho kei a Te Kuini te whakaaro mo tetahi wahi mo koutou. Heoi ano, ka nui. Na Eruini Waiti Ripi, na Hikairo Maru, na Hone Tarutu, na Hone Waitere, na Teretiu, na Manahi, na Te Weiti Kipa tenei korero. [Waiata text follows] Oare te aroha ki te mokai whenua e ngakia mai nei. He oneone i ana na te tangata, koi rahurahu iho. E kore hoki au e puta, tu ki waho kei wea. Ka mau au te auahi, ka taoro o Waitara i roto ki te Ihei [?], ka wehea ngaki noa atu koe, na Ihei [?] toiora. He maha nga rangi e te tutuki ai, me mate kongenge, kapohea nei ka riro Rehia, ka riro anaki a taku manu whakaruruhau ki te nohoanga nui. Waiho noa iho ko Ngarurerurenga, ko Ngaruawainoa, ko Te Ware. He aha e Hine tau e tangi, ka ngaroa tu ano te konea [?] o te tangata, o tipuna ra, ka riro ki Paerau, te hoki mai ki a taua.