Waikanae Kei Patoitoi te timatanga, kei Mangakotukotu ki tai te timatanga ki te rohe mo te tikanga ki uta, haere tonu i roto i te awa i Mangakotukotu, puta ana atu i runga i te maunga. Ko tetahi wahi o Mangakotukotu a tai kei roto kei tenei rohe, ko Pukekohe, kei roto ko Muapoko kei roto kei te tikanga o taku pukapuka. Kei te pekanga ki Muapoko i te panakinga mai i a Henere, kei uta atu i a Te Taha, ka mutu mai i uta atu. I au ano i Te Wainui[?] e tu i roto i te motu, ka mutu mai i a ia. Ka takoto ano i au kei a Te Pei[?] i au ano, i a Te Rangimoko hauta atu ia ano, kia uta atu i Te Hura te rohe ki a Te Puru, i au hauta atu i a Kawehi, i a Aperahama Pue, heoi ano ka takoto i au puta noa ki uta. Kaua e puta he whakaaro o te tangata haere atu ki tera whenua, kei a Hone anake, no te whakaaro mai a Ropoama ratou ko ana matua ki te rawiti nei, ko Hone e mahi ana i reira. Heoi ano ka mutu. Kei waenganui o Waimea he kowaka, kotahi taupa kia hoki mai ano ki toku matua, kei uta o Waimea he taupa, kotahi tekau o nga mara kia hoki mai ano ki toku matua hei whakaaronga mai ma nga tamariki i tawahi, ka haere mai ratou ki te kopikopi mai ki konei. Heoi ano, ka mutu. Na Te Teira Potikake, Ta Matiwaka, Tarepa, hei waihotanga ki a Hone Te Warekuri 31 Maehe 1848 Kia rongo, e nga tangata o Waikanae, hei Te Kenakena[?] te timatanga o te rohe, puta noa ki Rangiuru, puta noa ki Te Totara, Oparinga, he huhi nana i kokoti puta noa ki tai, ki uta. Kei Hingatu[?] te tikanga o te rohe o Te Wakarua puta noa ki Paunateara, puta atu ano ko taua a huhi ano, haere noa i tua o tenei pa, ka mutu. Ka timata kei a Rapawaiti kei Oparinga, kei Motutekaka, kei Pekapeka. Kia ata whakaaro kei a Hone Te Warekuri, he kaitiaki mo enei wahi, hei whakaaetanga mai mo ana potiki i a Rapoama[?]. He tohu whenua Waikanae