Waitara 4 Aperira 1845 E hoa, Makarini, Whakarongo mai. Ko tikanga [a] Terei[?] raua ko te matua, ko nga whenua i korerotia ra ki a koe, ko Werati[?]. He tokomaha nona tena whenua ko Te Parepare; he tokomaha nona tena whenua ko Pukekoe; he tokomaha nona tena whenua ko Te Hakanga; he tokomaha nona tena whenua ko Te Wera; he tokomaha nona tena whenua ko Parauhe; he tokomaha nona tena whenua ko Te Ruangarahu; ko tokomaha nona tena whenua ko Te Tukungaomou, he tokomaha nona tena whenua. E hoa, e Te Makarini, ka kite koe i ena whenua, ka rongo koe ko tenei, he kore au e pai ki te tikanga [a] Terei raua ko [o]na matua. Tena ko tenei, kei a Wiremu Kingi te tikanga. Na Te Atua. E hoa, e Makarini, Kia rongo mai koe, ko Te Tikitiki te rohe, Mataraina, he tika ana te rohe. Ko Rangitoto, he tokomaha i a tena whenua; ko Te Moa he tokomaha i a ia tena whenua; ko Koha he tokomaha i a tena whenua; ko Takirikuha he tokomaha i a ia tena whenua; ko Te Karaka he tokomaha i a ia tena whenua. Ko tenei, kahore i pai te tokomaha ki te tikanga a Terei raua ko tona matua, ma te tokomaha ka kia ai ka tika ai. Tena ko tenei, naku te utu, naku te whakapakeke, na te tokomaha. E tama, kei a Wiremu Kingi te tikanga, kei nga tangata katoa te tikanga. E kore e pai ma te tokotahi e korero te whenua, ma te tokorua, engari ma te tokomaha. Na, heoi ano. Na Tamati Hapurona te tuhi