Wanganui 7 Hune 1845 E hoa, e Te Pakero, Kua korero hoki ahau ki a Turoa, kia whakaritea tetahi utu mou te punamu[?] o nga Pakeha, he aroha noku ki a korua ko to matua. Ka waiho hoki he ingoa tahae i nga me[a] o nga Pakeha ki a korua, engari kia rongo marire koe ki taku whakaaro, koia tenei. Me utu kia hoki te aroha o nga Pakeha ki a koe, kia noho pai koutou. Ka kino hoki te atawhai ki o matua ki nga Pakeha, ka pehea koe a muri ake nei? Ka ki au ma nga Pakeha koe e whakarangatira - ki te kakahu, ki te parakete, ki te kaone ma te wahine, ki nga tino noa iho o nga [taonga?]. Otira, ka kino koe ki nga Pakeha, e kore e marama tahi ta koutou ngakau, ka haere kino koutou, a, e kore rawa e pai, e kore e haere tou ingoa ki nga rangatira Maori. Tera pea e ki he tangata kino koe ki nga Pakeha. Heoi, kia nui to aroha kia haere koe i te pai. Na to hoa, na Makarini 7 Hune 1845 E hoa, e Te Pakaru Tena [r]a koe. Kua korero au ki a Turoa, kia utua te punamu. E tama, kia tika rapea tau whakaaro ki nga Pakeha, kia hoki to ratou aroha ki a koe, kia noho pai koutou, kia whakarerea te ingoa tahae ki a korua, he ingoa tenei he ingoa piri noa atu ki te tangata. Ki taku, he kupu aroha, he kupu pai, koia tenei, whakaritea marino. Ko taku whakaaro e rite ana ki etahi o nga rangatira papai o Waikato, o Taupo, e mea ana ratou he wahe [whakahe?] he te muru. Heoi. Na Makarini