[At top] 'Copy' 21 Noema 1850 E hoa ma, Tena ra koutou. Ka nui toku aroha ki a koutou. E koro, e Parengi, tenei taku kupu. Kia rongo mai koutou, e kore i huna atu au ki a koe, ma [na?] koutou i mohio ki a Tokuwati[?] i tikina atu. Kua mohio koutou ki tona heanga, riro kino he mai. I te Turei ka tae mai ki au, ka rongo nga tangata katoa i te kinonga. No te Wenerei ka karangatia e Parata nga tangata kia haere mai kia kite i a ia. No te po ka korerotia e Parata he tikanga mo taua he, aua noa tera i a ia anake te korero mo te kino. I te ata ka korero ano ia i te kino. Kahore aku kupu a Paora, a Te Kopi, na Matena Ruta te korero, na Raniera, na Toheroa, na Te Tahana. Naku tetahi kupu whakarite i a ratou korero. Na to hoa, na Rawiri Waiaoa [Waiaua] [At top] 'Copy' Tairei 21 Nowema 1850 E koro, e Tamati Te Ngahuru, Tena koutou ko tuakana, ko teina. I taea hoki koe i te aha i nga tikanga a te tangata? Koia nga he ka kitea i roto i te tikanga. E koro ma. Tena koutou e aroha tenei naku ki a koutou, otira kia mohio koutou ki te tikanga o nga korero i te pukapuka a Rawiri. Ahakoa kore ahakoa tika, kotahi te kupu i rongo au ki a Rawiri. Ka tae mai te tangata Mokotuna i te hui, ka rokohinga mai nga tangata e mea ana nga tupapaku. Ka puta te kupu taua tangata, 'E kari aruhea[aruhe?] ana koutou?' He he ana tenei kupu. Na to hoa, na Honi Ropiha [At top] '(Copy)' E hoa, e Hare, Tena ra koe. Tenei ano te kupu kia patua nga Pakeha. Me he Pakeha Rawiri i haere mai ia ki Puketapu, kua mate mo Te Watene. Kua korero au ki a ratou, e kore e pai kia mate nga tangata katoa mo te tahae o te tangata kotahi. Kia tupato taua mo te kino a tenei tangata. Na Tamati Waka