TE AO HOU

KO TE WHAKAAKO O TE REO MAORI Puta ana tera te rangarangaihi ki te iwi Maori nui tonu i te korerotanga kei te whakaturia he hui hei whakatakoto kaupapa mo te whakaako o te reo Maori. He mea tenei i hou ki te whatumanawa o te iwi te tahuri o te motu katoa ki te manaaki i tona reo. Ko te Tari o nga Kura kei te whakatakoto i tetahi kaupapa mo te whakaako o te reo Maori i roto i ana kura. Ka mutu te tino hui ko tera i tu ra ki Rotorua i tera Mei ki te whakatakoto i etahi kaupapa hei whakahohonu atu i te matauranga o te hunga kei te whakaakoako i te reo Maori. I pera rawa ai te pai o taua hui he ngakau nui no te hunga i haere ki reira a no nga kaihautu hoki o te waka nei o Matauranga. Me nui te whakamoemiti ki te hunga e hautu nei te whakaako o te reo Maori notemea kei te kuhu noa atu tena, kei te kuhu moa atu tena. Ko nga uauatanga, ko te tokoiti o te hunga whakaako ko te haua o etahi ki te reo Maori, a ko te kore pukapuka kore aha. I te hui i Rotorua ka tikina i te hohonutanga o te reo Maori nga korero hei whakamatakitaki ki nga kaiwhakaako, kia tahuri ai ratou ki te titiro i te kaupapa o te reo e whakaako nei ratou. Ka whakaotioti taua huihuinga ko te mahi whakakaupapa i etahi kupu tohutohu ki Kawanatanga. Ko etahi o aua kupu tohutol kia taia etahi pukapuka mo te kaupa whakaako o te reo, kia mahia etahi rekoata hei tohutohu i te whakahua o te kupu, a kia mahia hoki he pikitia hei tohutohu i nga ringa o nga haka me te tu a te tangata i te marae, ko enei mea katoa hei awhina i te hunga kei te ngak nui ki te ako i te reo Maori. E rua nga kupu tohutohu o taua huihuin e pa nui ana ki ‘Te Ao Hou’, ko te tuhi o reo Maori a ko te whakakaupapa i etahi tu tuhinga hei korero ma te hunga kei te a i te reo. Ko te tohutohu a te hui me ata tuhi nga kupu whakahua, ara mehemea he to whakahua o te ‘a’ me tuhi penei ‘aa’, me ranei ã ara mo te ingoa manu me ‘kaakaa’ me kãTkãT ranei; mo te kakahu me ‘kaka’ ara atu ara atu. Kaore he he o tenei tu tuhi, mehemea ka penei te tuhi a te tangata i ana korero hea panuitanga ki ‘Te Ao Hou’ ka pera ano te mehemea he rereke ka rereke ano. E tika a ra me whakatakoto tetahi kaupapa kia ma ma ai te tauhou. Ko te mea tuarua ko te whiwhi o nga kaiwhakaako i etahi tuhituhinga hei korero ma a ratou tamariki. Ko te inoi atu a ‘Te Ao Hou’ kia tuhi korero Maori mai koutou te iwi Maori hei panui ki ‘Te Ao Hou’, hei korero ma nga tamariki.

Girls! Join the Post Office Telephone Service! If you are looking for an interesting well paid job that provides plenty of congenial company—then join the staff of the Post Office as a telephone exchange operator. The work is easy to learn and applicants will be trained on the job and receive full pay during the training period. This is the sort of job specially suitable for girls with their clear young voices—so if you are interested get in touch with the Staff Officer at your nearest Post Office. Mahia nga mahi kei tamariki ana (Make the most of your time while you are young) ISSUED BY THE NEW ZEALAND POST OFFICE