TE AO HOU

KO TE MATAURANGA ME TE IWI Ko te whakaturanga i tetahi Komiti hei whiriwhiri i nga take e pa ana ki nga kura Maori tetahi o nga taonga nunui o roto i enei ra. Timata mai i te hui tuatahi a taua komiti i te tau 1955 ka whai reo te iwi Maori ki nga take nunui e pa ana ki nga kura. Kei tenei putanga o Te Ao Hou nga korero a Mr K. Robertson e pa ana ki nga hua o taua hui o 1955. Ko te aronga o nga korero a taua tangata e mea ana e toru nga tino hua. Tuatahi kua whakatata mai nga mahita o nga kura Maori ki te matakitaki i to te Maori kaupapa. Tuarua kei te whakaakona te reo Maori me te kaupapa o te Maori ki nga kura. Tuatoru kua uru whanui te iwi Maori ki nga whakahaere o nga kura. Ko muaupoko tenei taria te roanga. Ahakoa he timatanga mahi noa tenei ka nui te kaingakau mai o nga matua Maori ki nga tikanga hou, a ko etahi kua tae ki nga kura ki te awhina ki nga mahi whakaakoako ki nga mahi a te Maori. Ka pai ra tenei, ka mahi tahi nga matua me nga mahita ka tutuki pai te kura a nga tamariki. Ka nui te mahi ma nga matua haunga ki nga kura engari ki nga mahi rawaho. Inahoki ka tae he mahita hou ki tetahi kura Maori e tika ana me mau ia ki te marae manaaki ai i runga i a te Maori i ana tikanga. Ko te tumanako tenei o te Tari mo nga Kura kia matatau nga mahita ki nga matua Maori a kia mohio hoki ki nga tikanga a te Maori, otira ka aua atu e penei ana te tokomaha o nga mahita o nga kura Maori. Ko nga tikanga hou me penei katoa nga mahita o nga kura kei raro i nga whakahaere a nga Paori. Na reira ko te tumanako kia awhinatia tenei kaupapa hou kia matatau te Pakeha ki a te Maori tikanga.

Fit the right tyres for the job Reidrubber Best by Test *All Reidrubber Truck Tyres incorporate the Nylon Shock Shield