He karere ki nga matua! He mea kaingakau na matau te wai ENGARI HE TOKOMAHA RAWA A MATAU TAMARIKI KEI TE MATE KI REIRA He iwi kau, he iwi ruku, he iwi hi ika, he iwi mahi kai moana, he iwi takaro matou ki te wai, engari ia he mea kino rawa te mate o te 10 Maori ki te wai i tenei Raumati, tokowaru i raro iho i te 12 tau te pakeke. * Kotahi te tamaiti e 8 tau te pakeke i mate ki te amio wai. * Tokorua nga tamariki e 7 tau tetahi e 9 tau tetahi i haere ki te awa i tetahi ahiahi—kihai i hoki mai. * I taka tetahi tamaiti nohinohi i runga i te woapu—mate tonu atu. * I taka tetahi tamaiti ki te tipi hipi—i te warea ke nga matua. * I te takaro tetahi tamaiti e whitu tau te pakeke i te taha o te awa—kihai i kita ake—ka pa te pouri ki ona matua. He wetiweti nga wai katoa. Ka mate te tamariki ki te toru inihi wai. He tokomaha a matou tamariki he tamariki nohinohi, he tamariki wawahi taha—he uaua te tiaki i ngo wa katoa—engari ia e tika ana—kia tiakina i nga wa katoa. HE MEA KAINGAKAU NA MATOU TE WAI—ENGARI KEI RUNGA AKE TO MATOU KAINGAKAU KI A MATOU TAMARIKI. KAUA E TUKUA KIA MATE A TATOU TAMARIKI. Kia tupato i a koutou tamariki kia whai tangata i nga wa katoa hei tiaki i a ratou—kia tupato i te wai—kia tupato.