A description of the work done by the Red Cross and the role the Maori people can play in it. TE RIPEKA WHERO no Matutaera Hauraki Winitana, a six year old Taihape boy in Queen Elizabeth Hospital, Rotorua, receives gifts from Junior Red Cross members. Ko te Ripeka Whero, e mohio whanuitia ana e nga topito e wha o te ao, no te mea, ka kitea ana tenei tohu, ka mohiotia kei te haere tetahi ropu ki te manaaki i tetahi tangata i etahi tangata ranei. I nga wa o te pakanga o te mate uruta, o te kore, ka puta te tohu nei hei whakamarie, hei atawhai, hei manaaki, Koia nei nga hua o tenei tohu, ara, he atawhai, he aroha, he manaaki. Pataingia atu ki nga hoia Maori i mau herehere i te pakanga whakamutunga o te ao; kei

Monty RUGS ARE ALWAYS USEFUL! Travelling, camping, around the house… a Monty Rug is always handy. In genuine clan tartans. Pure wool, generous 60″ x 80″ size. Famous for value, too. They are made by BRUCE KING OF WOOLLENS and they're on Sale everywhere! Bruce Woollen Manufacturing Co. Ltd., Milton, Otago

te mohio ratou ki tenei tohu—ki nga wa i puta mai ai he kai, he kakahu ranei mo ratou, e mau ana taua tohu i runga. Pataingia ki te hunga kore kakahu ara ki te hunga rawakore. He pera ano ta ratou whakahoki. Tahuri atu ki nga tauiwi e whakaeke nei ki runga o Aotearoa. E haere tahi ana te Kawanatanga me tenei Whakahaeretanga ki te awhina i a ratou. Otira i nga wa o te pakanga o te maungarongo, kei te haere tonu te tohu nei ki te torotoro i te hunga rawakore, i nga matipo, i nga pani, i nga pouaru. ara me ki poto ake, i nga tangata katoa e ahei ana kia awhinatia. Tena, hoki mai tatou ki te iwi Maori. He aha kei roto i tenei whakahaeretanga hei whainga ma tatou? He maha nga ropu kei raro i tenei Whakahaeretanga—nga ropu mo nga wahine, mo nga tane, me nga taitamarik. Kei te ropu whakamutunga nei te roopu e tika ana kia awhinatia, i te mea, kei te kaika tatou i roto i enei ra. kia whakapaungia o tatou kaha ki te awhina i a tatou tamariki. Kei nga kura nga ropu nei, engari he ruarua nei nga kura Maori kua uru ki raro tenei Whakahaeretanga. Nawai ra, kua whakaaengia e te Komiti Tumuaki o Niu Tireni (ko te Kaituhi anake te Maori kei runga i tenei komiti) kia tukuna tetahi o nga kaiwahakahaere ki te toro haere i nga kura Maori, a me te tumunako o te komiti nei, kia awhinatia tenei take e nga matua o a tatou tamariki a e nga mahita kura hoki. He maha nga painga e puta mai ana, otira kei tena takiwa kei tena takiwa, nga ropu nei e mahi ana. Tirohia te tohu ripeka e mau ana i nga kakahu i etahi atu taonga ranei. Mehemea he whero taua ripeka, ka mohio koutou he tohu no te atawhai, no te aroha, me te manaaki. Ko tenei tohu. ko tona ata kei te horapa ki runga i te ao katoa. Ko ona manga kei te toro haere ki te kimi i te hunga e mauiui ana. Ko ona ringaringa ko taua ko te tanagta. Toro mai ra o koutou ringaringa hei awhina. hei tautoko.