TE AO HOU

TE WHANAUNGATANGA O NGA IWI Ka haere mai te tangata o tawahi ko tetahi o ana korero tuatahi he mihi ki te pai o te noho tahi a te Maori raua ko te pakeha. Otira i roto o enei ra kua horapa ki te motu nga mahi pakeha a kei te uru nui te Maori ki aua mahi. He mea tenei kei te korero nuitia i enei ra ko te whanaungatanga o nga iwi. Ko te “Kiriweti o te kiri ma ki te kiri mangu” he rercke ano i to tatou nei whenua notemea kaore he ture e whakakaupapa ana i tenei ahuatanga. Ko ta tenei whenua e orite ana te Maori raua ko te pakeha. Ko nga taumata e eketia e te pakeha ka eketia hoki e te Maori i runga ano i tona kaha. Kaunga nga ture ko te mea tino nui ko te ngakau aroha o te pakeha ki te Maori o te Maori ki te pakeha. I te whaikorero a ta Apirana Ngata ki te Ropu o nga Iwi Maori o Te Moana-nui-a-Kiwa i 1947 ka mea ia ehara i te mea kei te pakeha anake te ngakau kiriweti engari kei te Maori ano “He wa roa” e ki ana ko ia, “Katahi ano ka tatu nga whakaaro he tangata ano te pakeha, he tangata ano te Maori—he wa tino roa noa atu”. Mehemea e tino whakaaro ana tatou ka mohio iho kei a tatou ano te he. He nui o tatou whakaaro pohehe. Inahoki e ki ana ko etahi pakeha. “He mangere te Maori.” Ko etahi Maori e mea ana “He tangata hakere te pakeha”. Na enei whakaaro pohehe i patu, ko te mea nui ko te ngakau aroha. Ko etahi tangata ano kaore e whakaaro penei ana. Kua kitea i tipu noa mai enei tu whakaaro. Inahoki ko te whakaaro e etahi he tangata matauranga te hunga rae tiketike otira he whakaaro pohehe noa iho tenei. Pera ano hoki te whakaaro kaore e ngaro te tangata kohuru te tangata tahae. Me ata whakaaro marika te tangata—he kororia ke ano to tena tangata, he kororia ke ano to tena tangata kaua e ukuia te hara o te tangata kotahi ki te katoa.

HE PAI TE NGAU HOU MAU HE PAI TE NGAU HOU MAU WRIGLEY'S P.K. CHEWING GUM WRIGLEY'S P.K. Gum, made in New Zealand, by New Zealanders, for New Zealanders, is always healthful, refreshing, delicious always fresh from Wrigley's New Zealand factory to you. Get WRIGLEY'S P.K. Gum for all the family. NONE GENUINE WITHOUT THIS TRADEMARK