Hand in hand development best

Tu Tangata, Issue 4, 1 February 1982, Page 36

Hand in hand development best

MATAURANGA/Education

More attention is being focussed these days on pre-school education and how it moulds young children’s attitudes for later life. Recently the Ruatoki Pre-School Unit held an education course at the Te Re ware wa Marae to share what parents thought of the value of pre-school education. Rita Toko, the supervisor of the Ruatoki Pre-School Unit gives her report of the weekend.

Ki nga kaumatua, ki nga Matua, ki aku karangamaha i whakaeke mai ki runga i te Marae i Te Rewarewa. Tena rawa atu koutou. Ki te Ropu Wahine Toko i te Ora mo a koutou awhina mai. Ki te hunga kainga kaore i tae mai, noho kuare ana koutou i to koutou kore i kite inga mahi ataahua o tenei hui.

Ko te kaupapa o tenei huihuinga, he hui wananga mo nga tamariki nonohi, hai awhina i nga Ropu Wahine Awhina Tamariki, me nga Mahita hoki o nga kohanga nei.

Ko nga ope i whakaeke mai, ko nga ropu no Te Whanau-a-Apanui, no Murupara, no Rotorua, no Maketu, no Ohope, no Whakatane, no Taneatua, no te Tari Maori o Tokoroa.

Ko nga tumuaki whakaara korero mo tenei hui, ko Tata Williams mo te Tu-Tangata-Whanau, ko Hine Potaka me tana Ropu Wahine Awhina Mahi i roto i nga kura, (He kohanga ranei, he kupu tika mo nga Kohungahunga nei). Ko Mihi Tule, ko Matekino Lawless, me tana tamahine a Tina Wirihana. E mahi ana hoki ratau i raro i te mana o te Putake Matauranga mo te iwi Maori i roto i te rohe o te Waiariki nei. “Huihui Tatau nga kiri parauri me nga kiritea, ka toitu te kaupapa. Ka wehewehe tatau, Ka hinga.”

Ko te pirangi nui ki toku whakaaro iho ki nga korero, kia kitea enei ahua mahi i enei hui a, haere ki hea. Ko te whaiwhai ake ki nga korero i puta mai i nga whakawariutanga nei, he mihi tuatahi ki nga ropu whakaeke mai kite whakanui i tenei hui tuatahi, ki roto o Ruatoki. Nga mihi nui

rawaatu ki a Hine me tana ropu mo enei ahuatanga kua whakaahuatia mai nei e ratau ki a matau. Na ratau i whakaohooho etahi whakaaro, etahi mahi ataahua ki waenganui i a matau e kore nei i oho ake i tetahi. Hohonu ana nga whakaaro inaianei kia kaha ke atu matau kite tataki i nga

kohungahunga o te motu nei. Ko ia to matau tiwai a, kia kaha ano hoki matau nga peka kite whai i a ia. Ko nga ahuatanga kaore i paingia e etahi o matau, pai ana ki ahau enei whakahoki korero mai, na te mea, i mahia e nga whaea, e nga Matua, e

nga Mahita nga mahi whakawhiwhitia ai ki a matau kohungahunga. Kua kite ratau i te poto o te wa kura i homai e te Poari mo te Matauranga, mo nga tamariki nonohi o te wharua nei. Ko te wawata nui ke, ko nga reo rua nei kia rite tonu te haere o tetahi ki tetahi. Kia kore te reo Maori e mahue ki muri rano. I te mea he kaha ke ake te rangi o te reo Pakeha i waenganui i nga tamariki nei, kei te inoi ake au ki a tatau ki nga matua kia kaha ke atu te whangai kite reo Maori ite kainga. Kei kona ke te nuinga o te matauranga mo ratau. Kei te kaha nga kiritea kite whaiwhai mai i nga mahi a taua a te Maori. Taku mohio nei ka pera tonu mehemea tatau e whakatuwhera ana i o tatau hinengaro kite kaupapa. Tera pea kua kore tatau e kopapa mehemea he hui penei ano, ka tu te kaumatua kite mihi ki ana kiritea a, kua whakaaro me pehea ra he korero Pakeha mana kia aro ai hoki i nga kiritea nei e pehea ana korero. Homai he tinana mo te kaupapa kia rangatira ai tatau katoa o Aotearoa nei. He kupu whakamutunga ake maku.