RAUTAU O TE RAA O TEPAAHUA KI PARIHAKA

Tu Tangata, Issue 4, 1 February 1982, Page 13

RAUTAU O TE RAA O TEPAAHUA KI PARIHAKA

INANAHI/Y esterday

Kotahi rau ngaa tau kua hipa mai o te waa i karapotia ai te paa o Parihaka (e tuu tata ana ki Rahotuu i Taranaki) e ngaa hooia o Ingarangi i tohutohungia ai, nei peehia ana raatou, me tarehua te iwi o reira i haere mai i Taranaki me etehi atu waahi kite whakarongo ki ngaa kauahau a ngaa poropiti tokorua o Taranaki araa, a Tohu Kaakahi raaua ko To Whiti-orongomai; kaore i pakanga. I aakiaakina e ngaa poropiti too raaua iwi kia tau te rangimaarie i te whakaputa raanei. I te Paraire, i te ono o ngaa raa o Nooema o te tau kua pahure ake nei 300-400 ngaa manuhiri i tae ki Parihaka aa, ka huunuku atu ki runga o Paaraahuka, teetehi o oona marae maha; ko te tuatahi teeraa o ngaa manuhiri i tae kite whakanui i te rautau. He whakatangitangi, he waiata, he waa hoki e ngeri ana aa, nawhai aa, i runga anoo i te tikanga o reira ka haere tuatahi ko ngaa

manuhiri taane kite ohaoha haere. Kaatahi ka haere ngaa mihimihi aa, hono kau ana aua manuhiri kite tangata whenua hei poohiri atu hoki i eetehi atu. Tae rawa kite haaora o te tina i te Raahoroi e eke tonu ana mai te tangata anaa, i te tataringa moo te haakari ki Paaraahuka (te marae o Te Whiti), ki Toroaanui (te marae o Tohu) hoki he ngahau taa ngaa kaaragarangatanga hapuu o Taranaki. Kaaore i aarikarika te maringi iho o te ua i te Raahoroi engari kaaore rawa i aukotia te haere o ngaa mahi engari he whakakotahi i te iwi anaa, ka tau te paatai a te nui tangata: he aha taau takoha i roto i te raa o Parihaka? Koinei taaku whakahoki: i rongo tonu iho au i

te mau tonu o te haa o Parihaka; kite haa hoki ote kotahitanga kite raukurp, te tohu ote rangimaarie, mete rongo tonu iho i ngaa mana o Tohu; kite haa hoki o te maunga o Taranaki te huihuinga o te tini poropiti o te taihauaauru; te haa o te kotahitanga o ngaa whakaaro o te iwi. Nooreira ki ahau rawa nei aa, tae atu ki eetehi atu o maatou anoo ahakoa kaaore rawa he tino whai koorero whakaharahara nui rawa nei; kaaore raanei he karanga whakahira rawa nei; kaaore rawa raanei he kupu whakaari motu hake ko te mea nui iaraa ko taua hui he hui na te tangata hei whakahuihui i te tangata, nooreira, ko te koorero kei te peenei: kei te ahu taatou ki hea? Ko te aha taatou? He tatari raanei, Taranaki, moo te ekenga anoo o te rautau e tuu mai nei? Ko te aha? He wero tonu naa teetehi o ngaa kaumaatua.