HE MIHANA KI ETAHI PARIHA MAORI.
Ki te Etita o Te Toa Takitini. HE panui atu tena ki nga tangata katoa o te taha Maori o te Hahi kia mohiotia ai nga pariha, me nga ra, e whakahaeretia ai i tenei tan te mahi e kiia nei he Mihana : he tono atu hoki kia mahara tena, tena, kite inoi tonu kite Atua kia manaakitia nuitia e la te kai-kauwhau me nga tangata o ia pariha oia pariha, Me kore hoki te manaaki ate Atua ka kore he hua pai o te mahi. He mea nui, he mea tapu, te mihana. He whakaeke i te ngakau tangata kite taumata e tika ai kia puta ki aia te ora, te marama, te kaha, te koa, te rangimarie, me te tapu ote Atua Matua, Tama, Wairua Tapu: he whakahou i te ngakau mate hei ngakau ora, i te kanohi pouri hei kanohi kite, i te taringa turi hei taringa rongo: he whakanui i te whakapono o te hunga whakapono. He tikanga tawhito tenei i nga pariha pakeha, he tikanga e whai ana kia whiwhi te tangata ki te ora mona, ki tona nui noa atu hoki. Ma te mohio o te tangata ki tona mate ka hiahia ai ia ki te rongoa: ma te rongo kite rongoa, me te whakaae a ngakau ki tana rongoa, ka ora ai ia i ona mate. Na reira kia kaha kite inoi atu moku kia maia ai, kia marama ai, te puaki a toku mangai i nga kupu a te Atua: kia tau nui te Wairua Tapu ki runga i ahau hei whakakaha i ahau —i toku tinana me toku Wairua. Kia mahara hoki ki te inoi mo te iwi kainga me te pariha katoa, kia tukua ete Atua tona Wairua Tapu ki runga i te katoa i tenei wa kia huri nui ai te ngakau ki te whakapono ki a ia, kia piri pono ai, kia uai ki roto ki a te Karaiti me la hoki ki roto i a ratou. I runga ite tono ate Pihopa ratou ko te minita ote pariha, mete hunga o te Hahi, kua whakaritea enei Mihana e whai ake nei hei mahi maku i tenei tau. 1. Pariha o Taupo.— Oketopa 31 ki Noema 9, ki Waipahihi. 2. Pariha o Te Puke.Noema 21 ki 30, ki Te Matai. 3, Pariha o Whakatane.— 5 ki 14, ki Te Pahou. He mahi nui, he mahi taumaha, enei: e kore hoki e taea i runga i te kaha tangata. No reira kia kakama koutou katoa ki te awhina kite tautoko i te kai-mahi, a i ia ra, i ia ra, kia puta he inoi ma koutou mo nga manaakitanga a te Atua kia tau iho ki nga Mihana. Heoi ano. —Na Te Wiremu. Te Aute, Pukehou, H.B.
Permanent link to this item
https://paperspast.natlib.govt.nz/periodicals/TOATAK19241101.2.6
Bibliographic details
Toa Takitini, Issue 39, 1 November 1924, Page 132
Word Count
464HE MIHANA KI ETAHI PARIHA MAORI. Toa Takitini, Issue 39, 1 November 1924, Page 132
Using This Item
See our copyright guide for information on how you may use this title.