TE KAUWHAU A TE PIHOPA O WAIAPU.
NO te Ratapu te 19 o nga ra o Oketopa ka tae te Pihopa ki Moteo ite ata, kite Pakipaki ite ahiahi, ako tana kauki nga Maori he kauwhau marama he kauwhau kaha. Ko tana rarangi kei nga mahi a nga Apotoro te tahi o nga upoho te warn o nga rarangi:— Ko koutou hei Kaiwhakaatu lookin'” Ko etahi wahi tenei o tana kauwhau. 44 Ka tata te mutu o nga ra o to tatou ariki o Ihu Karaiti ki tenei ao, ka whakatakotoria e ia nga kaupapa o tana Hahi, he Hahi e kore e mutu mai tona tupu, engari ka tore haere ona peka ki roto ki tena iwi, ki tena iwi, a huri noa te ao. Ko nga tangata e whakarongo mai nei ki a ia, ehara rawa i te tangata ki ta te ao whakaaro. Otira naana ano i whakaatu ki a ratou te putake mai o te mana e ahei ai ratou te mahi i nga tikanga nunui, ara ko te mana o te Wairua Tapu. Me timata mai ta ratou whakaatu i Hiruharama. Engari kaua hei whakawhaiitia ki reira anake. I Hiruharama ki Huria, ki Hamaria, a tae noa ki nga pito whakamutunga ote ao. Ko tenei whakahau me hapai e tena whakapaparanga tangata, e tena whakapaparanga. I whakarongo oku tipuna pakeha ki tana reo i tae mai ai a Hamuera Matenga ite ran tau ka huri nei, kite man mai ite rongopai oto tatou Ariki kia koutou kite iwi Maori. Na tana whakajhau ka tae mai nga Wiremu tuatahi a Pihopa Herewini me era atu minita i mahi nei i roto i te iwi Maori. E tika ana kia pataitia i tenei wa te patai nei 44 Awhea ano te Hahi Maori tuku ai i tetahi karere ma ratou hei hora ite maramatanga o te whakapono ki nga iwi e noho mai nei i roto i te pouritanga? Kei te mihi ahau ki nga tohu ora o te whakapono ote iwi Maori i tenei tau i roto i toku Pihopatanga. Katahi ano te tau i penei rawa ai te manaaki a nga Maori i nga Mihana mo te kawe ite Rongopai. Katahi ano hoki ka penei rawa te tokomaha o nga taitamariki e hiahia ana kia uru ratou kite Kura
Minita. Kei te matakitaki ahau kite whakaaro nui o nga pariha Maori kite karakia, mete nui hoki o nga whare-karakia lion e whakaarahia ana i tenei wa. He toliu katoa enei no te oho o te whakapono.
Otira ko tetahi o nga tohu nui hei whakaatu he Hahi orate Hahi Maori, ko te whakarite i taku rarangi. Kua koroheketia ahau inaianei. Kua haere mai te mauiuitanga kite tinana. Kua kore te mahi taumaha i taea. Engari ko taku hiahia nui kia kite atu ahau i taku iwi Maori e whakahaere tikanga ana hei kawe i te Rongopai ki nga wahi pamamao o te ao. Titiro tatou, ki a Pihopa Ataria. Ko nga matua o Ataria he tino rawa-kore, kaore i kaha kite tuku i ta raua tamaiti kite kura. Nana tonu i mahi he moni hei taenga mona ki nga kura. Ehara hoki a Ataria ite uri rangatira. I tupu noake ia i roto i nga iwi he, i nga hapu rawakore o Inia. Inaianei kua noho mai a Ataria i nga taumata teitei o te ao, kua rangona ana korero, kua kitea mai hoki tona tinana ete ao katoa. Na te aha ia i piki ai? Na te mana ote Wairua Tapu. I whakapaua tona ngakau kite rapu ite Atua. Kia pera koa hoki te kaha o taku iwi Maori. Tena ano e kitea i roto i o koutou uri he Pihopa mo koutou. Mehemea ka noho nui te Wairua Tapu ki o koutou ngakau.
Kanui taku koa mo koutou mo te iwi Maori ka tahuri nei ki te awhina i nga mahi a Pihopa Ataria i roto i ona iwi maha i Inia. Ko te hikoi tuatahi tena ko te awhina atu i nga kaikauwhau. Ko te hikoi a muri atu ko te tuku tangata o te iwi Maori ki Inia kauwhau ai i te Rongopai o to tatou ariki.
I a au i haere mai ai i Poneke, ka kite ahau i nga pou kei nga taha rori etu haere ana. Kua whakairia nga waea ki aua pou. Ko laua waea hei kaupapa mo te hiko a te Kawanatanga. Ko taua hiko hei huri i nga mihini hei whakamarama i nga kainga o te hunga e karanga ana ki taua hiko kia maungia atu ki a ratou.
Ko o tatou tinana taua waea. Ko te hiko ko te mana o te Wairua Tapu. Ko tatou hei kaupapa mo taua Wairua Tapu. Kei a la te kaha mo tatou, ara te 44 power ” e ahei ai ta tatou whakamarama ite hunga kei te pouritanga e noho ana. Whakarongo ra kite reo o te Karaiti e ki ne.i; 44 Ko koutou hei kai-whakaatu moku.”
I te mutunga o te kauwhau a te Pihopa i whai-kupu ia ki nga tangata Maori e tahuri ana kite hanga wira, kia whai-whaka-aro ki nga mihana a te Hahi mo te hora i te Rongopai. I whakaatu ia he tikanga pai tenei kei te whakahaeretia e nga pakeha whakapono, a he tauira pai hei whakarite ma te iwi Maori. Ko nga mahi e manaakitia nei e tatou i a tatou e ora ana, ma tatou ano e manaaki ina mate atu tatou, ara ma nga taonga i tapaea e tatou mo nga mahi a te Atua i roto i a tatou wira.
Permanent link to this item
https://paperspast.natlib.govt.nz/periodicals/TOATAK19241101.2.5
Bibliographic details
Toa Takitini, Issue 39, 1 November 1924, Page 130
Word Count
932TE KAUWHAU A TE PIHOPA O WAIAPU. Toa Takitini, Issue 39, 1 November 1924, Page 130
Using This Item
See our copyright guide for information on how you may use this title.