TE HURINGA O MAHUTA.
IWHAKARITEA i te hui ki Waahi me tutaki ano a Te Hetana raua ko Mahuta kite Whare Kawana i, Akarana, heoi i te Paraire te 22 o Mei ka tae a Mahuta ki Akarana mete iwi 150, ara no Waikato, no Hauraki, no .Ngatimaniapoto, no Ngatihaha, no Ngatiraukawa, no Te Arawa. O te taba.ki te Kawanatanga ko Rore Ranapare, Kawana, ko Te Hetana, Pirimia, ko Hooro-Hoone, ko Takana, ko Timi Kara.
,Na te Pirimia nga kupu tuatahi; he whakamihi nana mo te whakaaro o Mahuta kite whakakotahi kite Kawanatanga, he whakaaro nui te whakaaro o Mahuta, e kore e ngaro tona mana engari e puta mai te pai kite Iwi Maori i rungai tenei whakaaro.' “ He ra tenei no te whakakotahitanga he ra no te aroha.” Whai-korero a Mahuta. I mea a Mahuta: E wbakamihi ana ahau ki enei rarigatira katoa, e whakamihi ana hoki an mo nga kupu ate Pirimia. Me tino whakaatu e au inaianei i whakaae au kia whakaritea nga raruraru i waenganui i te iwi maori me t . e iwi pakeha. E whakanui ana ahau ki te Pirimia mo tona kaha kite whakaoti i tenei mea. He ra tino nui tenei. Ko te ra tenei hei whakataunga i nga he katoa. E whakakitea te ture i tenei ra, e matau ana hoki au kite kupu ate Pirimia e mea nei ko te ra tenei e whakamutua ai nga raruraru i waenganui ite Maori ite pakeha mete Kawanatanga I tukua e te iwi ma maua ko te Pirimia e whakariterite nga raruraru. E puta pea he pai he kino ranei otira e tika ana te kupu a te Pirimia kite puta he kino no te Maori anote he. Ki taku whakaaro ko tenei te tino ra e tino whakaotia ai nga raruraru i waenganui i a tatou. I mea te Pirimia ki nga iwi e tau ana i te marae ko ratoii nga phno o tenei marenatanga, hedi ko te tangata e whaaakore ana me whakaatu, “ kite kahore, kei kiki ia amua ake nei.” I nga ra kua pahure ake he kumekume tonu te mahi, kume ke noa atu ana tena kume noa mai ana tenei, mete heke tonu ote Iwi Maori kite po. Inaianei kua kotahi tonu te kukume, 0 nga tangata kaha tokorua o nga iwi kaha e rua, e kukume' katoa ana mo te pai. I whai kupu ano a Timi Kara i whakahau kite iwi kia rite te hoe ite mea kua kotahi nei te waka. Itu ano a Mahuta, i mea kite iwi kia.hapai i te ture, kia kaua e mataku i te lure ite Kaunihera. I tautoko a Taingakawa 1 nga kupu a Mahuta. Kite pai te ture e kore ia e whai-kupu otira kite he e hamumu tona reo. : . I mea te Pirimia kahore he take e wehi ai a Waikato, kua tuakana kua teina raua ko Mahuta, e pai hoki nga mahi a te Kawanatanga. I karanga ia kia tu a Henare Kaihau kite korero ite mea nona te kaha i oti ai tenei take nui. I mea a Kaihau e puta mai he oranga mo te tangata mo te whenua, otira ko tona hiahia kia marama nga painga i mua atu o te whakaaetanga o Mahuta kia uru kite Kawanatanga.
I te whakahoki a te Pirimia i mea ia ko tana i korero ai e oti, he kupu rangatira tana e kore e taka. Kua puta tana kupu e whakariteritea nga rohe o te Kaunihera o Waikato. I uru ai a Mahuta kite Kawanatanga hei hoa awhina. E hari te Kawanatanga o Ingarangi, me Kingi Eruera kite rongo kua uru a Mahuta kite Kawanatanga. Kanui hoki te hari ote Kawana. I mea a Hone Omapi kua whakaae a Ngatimaniapoto kite Kaunihera, ahakoa kaore ratou i tae kite hui i Waahi. I te karangatanga a te Pirimia kia tomo a Mahuta kite whare kia oatitia ia hei mema mo te Kawanatanga, ka hamumumu te reo o te tangata, ka tu a Ngatimaniapoto ki runga ka timataria e Patu Patu te waiata, he poroporoaki ki a Mahuta, ka whakarere nei i tona mana, i tona iwi ka huri kite pakeha, “Haere ra e ware ki Ingarangi ki Rehia atu.” Ite urunga o Mahuta kite whare ka oatitia ete Kawana. I whai kupu ano te Kawana ki a Mahuta, he whakamihi mo tenei ra nui, he tumanako hoki nona kia nui te kaha o Mahuta kite rapu ite painga mo te iwi. I tono ano te Pirimia i runga i te hiahia o Mahuta kia kahititia tona ingoa ko, “ Mahuta Tawhiao Potatau te Wherowhero, e mohiotia nei ko Mahuta, tamaiti a Tawhiao, mokopuna a Potatau, i mohiotia i nga ra o mua ko nga kingi Maori.”
Permanent link to this item
https://paperspast.natlib.govt.nz/periodicals/PIPIWH19030601.2.6
Bibliographic details
Pipiwharauroa, Issue 64, 1 June 1903, Page 4
Word Count
789TE HURINGA O MAHUTA. Pipiwharauroa, Issue 64, 1 June 1903, Page 4
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.