HE KI KUA WHAKAPUAKINA I ERA TAU.
I.—Mo NGA KURA TAMARBIKI.
1. He kupu akiaki tenei na tenei Hui ki nga tangata o nga Pariha katoa o tenei Takiwa, kia whakaaroa he tikanga e tu ai he Kura mo nga tamariki o ia kaainga, o ia kaainga, kia whakatupuria paitia ai nga tamariki i runga i nga tikanga ataahua.— 1870. 2. Ko te tikanga pai mo nga Kura tamariki o tenei Takiwa kia whakaurua mai te akoranga ki nga tikanga o te Rongo-pai, hei iho mo te matauranga ; kei mahia kautia ko nga mea o te ao, e kore rawa e whai tikanga.—llß72. 3. Kia tupato te whiriwhiri a teiwi oia wahi, o ia wahi, i nga tangata e whakaturia ana hei Komiti whakahaere i te Kura, kia marama ai te whakahaere i nga tikanga mo te kura. lI.—MO TE ORANGA MO NGA MINITA. 1. Kia whakaputaia ano he whakaaro e nga tangata o tenei Pariha, o tenei Pariha, ki te mahi oranga mo te Minita. 2. 'Tenei he tikanga pai e mama ai tenei mea ;—tetahi, he mahi i tetahi maara kaanga ranei, aha ranei, ki ia wahi, ki ia wahi, kia motuhake rawa mo tenei tahua ; tetahi, he kohikohi i runga i tenei tangata, i tenei tangata, i te ngahuru, i te wa e hua ana te kai,—lāß7l. lII.—Mo TE KAWE I TE RONGO-PAI. Kia takoto he kohikohi ki nga Pariha katoa o tenei Takiwa i ia tau, i ia tau, mo te kawe i te Rongo-pai ki nga iwi e kuware ana ki taua mea.—lß7l. IV.—Mo Tū KORE MINITA MO ETAHI WAHI. Kei te pouri tenei Hui ki nga kupu tono Minita a etahi o nga iwi o tenei Takiwa, kaore i taea te whakarite i te kore Minita. He kupu atu hoki tenei ki te Pihopa, kia ata tirohia e ia, me kore e kitea he tikanga e tu ai he Kura ki tetahi wahi o tenei Pihopatanga, mo etahi tangata kia whakaakona hei kai-whakaako, hei Minita.—lß72.
V.—Mo NGA MAHI O TE HAHi, KIA WHAKAATURIA Ki TE Hoi. Me whakaputa mai eia Pariha, e ia Pariha, ki te Hui o te Hahi Māori, i te takiwa e huihui ai, he pukapuka whakaatu i te ahua o nga mahi katoa a te Hahi i roto i te tau, o te 1 o nga ra o Hanuere, puta noa ki teßl o Tihema. "Nga mea kia whakaaturia mai, ko te tokomaha o nga tangata e pa ana ki te Hapa a te Ariki, o nga tamariki i iriiria, o nga tangata e korerotia ana mo te whakapakanga, me te tu o nga whare-karakia, o nga whare Minita, me nga aha noa iho o te Pariha.—llß72.. VI.—Mo Tū NGAKAU KORE O TE TANGATA KI NGA MAHI A TE HAHI. i He tokomaha nei nga tangata o te Hahi e whakawaia ana e nga mea o te ao, i ngakaukore ai ki nga mahi a te Hahi; ko te mahi tenei ma nga tangata katoa e whai-whakaaro ana, ara, ko te inoi atu ki te Atua kia whakahokia mai ki runoa ki te ara tika nga mea katoa e kotiti ke ana; ko te akiaki hoki i nga tangata pera kia tahuri mai ki nga tikanga e whai oranga ai te tangata. VII.—Mo TE TANGIHANGA TUPAPAKU. Ei whakahe ana tenei Hui ki tenei mahi, ki te tangihanga tupapaku; he mahi whakarawakore i te pani, i te pouaru ; ko tetahi mea hoki tenei i nui haere ai te haurangi waipiro. VIIL—Mo me KuRnA RATAPU MO NGA TAMARIKI. Heoi ano te mea e nui haere ai te matauranga o nga tamariki ki nga tikanga o te Rongo-pai, ko te ako kia hono tonu 1 nga ra noa, i te Ratapu hoki, : Ko te tikanga pai mo nga Ratapu, kia motuhia mariretia he haora mo te kura, kia tokomaha ano hoki he kai-whakaako, kia mama ai te whakaako, kia hohoro ai hoki nga tamariki te mohio. TÄ.—Mo NgA PUKAPUKA KARAKIA, Ko te tikanga pai mo nga pukapuka karakia, koia tenei ; Me kohikohi e nga tangata o te Pariha he moni tiki pukapuka ; ka tae mai nga pukapuka, me whakarite he tangata hei kai-hoko, kia hoki mai ai nga moni hei moni tiki pukapuka ano.
K.— Mo NgA PARIHA KAHORE NEI HE KoMii. He maha nei nga Pariha o tenei Takiwa, kahore ano kia tu he Komiti hei akiaki i nga mahi o te Pariha kia mahia ; me titiro e nga tangata o aua Pariha te Tikanga i whakatakotoria e te Hui i te tau 1871, me whakarite he Watena, me whakatu he Komiti. KI.—Mo NGA HAERE O TE PIHOPA, I te mea e haere ana te Pihopa, tona whakakapi ranei, ki te tirotiro i nga tangata o tetahi wahi ; ka rangona e ratou te ra e haere mai ai ia, me whakarite e ratou he tangata kia haere atu ki nga kaainga i te huarahi tatari ai, hei hoa haere mai mona, I Ko te tikanga mo nga mahi a nga Pariha kei te pukapuka o te tau 1871.
Permanent link to this item
https://paperspast.natlib.govt.nz/periodicals/MATPW18740213.2.4
Bibliographic details
Mahi a te hui o te Hahi Maori o te Takiwa o Turanga i te Pihopatanga o Waiapu, 13 February 1874, Page 4
Word Count
836HE KI KUA WHAKAPUAKINA I ERA TAU. Mahi a te hui o te Hahi Maori o te Takiwa o Turanga i te Pihopatanga o Waiapu, 13 February 1874, Page 4
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.
Log in