HE PANUITANGA KI TE IWI MAORI.
Tari o te Minita o te Ora mo te Katoa, Poneke, 10 o Aperira, 1919. ITE ekenga mai i nga motu o tawhiti ki enei motu i mua tata ake nei o te mate rewharewha uruta {influenza epidemic) he tino maha nga tangata o te iwi Maori me te iwi Pakeha i hingahinga i taua mate. Kei tupono tera ano taua mate e hoki mai, notemea kua pera hoki ki etahi atu motu. Na reira ko tatou me noho i runga ite tupato mete noho tiaki ki taua mate. Ko te huarahi marama ia he whakapai i nga kainga he tahi he horoi i nga whare he koko i nga paru me nga kino ka hari ki wahi ke kia mamao atu i nga
kainga Maori me nga taone. Ki taku whakaaro hoki me karanga he huihuinga, ki ia takiwa ki ia takiwa a kia whakatuturia he Komiti mo ia kainga huihuinga hei whakahau kia whakaritea nga tikanga horoi i nga whare a hei tahi i nga kainga kia takoto pai ai kia takoto ma ai. Me tahi ia whare ia ruuma kia ma rawa, ko nga puehu me nga paru me koko ki waho ka tapuke atu. Ko nga paru hoiho kau ranei me whakawhaiti ka tahu ai kite ahi. Ko nga whare me nga taiepa poaka me whakapai ka tahi kia ma, ko nga paru me tapuke atu. Ko nga paru manu katoa me tapuke atu. Ko nga puna wai me nga korere wai me pai tonu te tiaki kei taka he kino he paru ranei ki roto, kei tae ranei he manu he kararehe ranei ki reira inu wai ai a ka kino te wai. Me whakarite ki ia kainga ki ia kainga he whare hei hohipera mo te tupono rawa ake o te hoki mai o taua mate e noho rite ana he whare motuhake hei takotiranga turoro, e watea ana ki tahaki ke ote nuinga o nga tangata. Ina tupono ki taua wa me waiho kia kotahi tonu he tangata hei tomo ki roto ki taua whare ara ko te tangata e whakaritea ana hei kai-tiaki mo taua whare. Mehemea ka rite a ka hangai hoki te whakahaere i enei tikanga katoa e tino mohio ana au e kore e rite te whiu a taua mate a muri ake nei ki tona whiu i tona taenga mai ka hori ake nei. Na reira, ka inoi ahau ki nga rangatira Maori katoa mete iwi nui kia tahuri kia awhina i tenei mahi tino nui. Kaua e waiho kia eke rawa mai te hoa riri ki runga ki te pae ka korikori ai. I tawhiti ano ia e haere ana mai e hopu ana to ringa kite patu. To patu ki to ringa mau ai inaianei.
G. W. RUSSELL,
Minita mo te Tari Whakaora.
T. H. A. VALINTINE,
Apiha Tumuki o te Tari Whakaora
Permanent link to this item
https://paperspast.natlib.govt.nz/periodicals/KNT19190612.2.16
Bibliographic details
Ko te Kahiti o Niu Tireni, Issue 24, 12 June 1919, Page 381
Word Count
483HE PANUITANGA KI TE IWI MAORI. Ko te Kahiti o Niu Tireni, Issue 24, 12 June 1919, Page 381
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.
Log in