4 Hurae 1853 I tuhia tenei pukapuka ki Otaraia, ara, he wahi ia no Wairarapa, ki Poneke, ki a te Kawana nui. E ta, He kupu ta matou ki a koe mo tau pukapuka ka tae mai nei ki a matou, e mea ana mai kia haere atu matou. Heoi, e mea ana matou he poto rawa te wa hei haerenga atu mo matou, inahoki no te rua o nga ra o Hurae i tae mai ai tau pukapuka ki a matou. Rokohanga mai matou e mahi ana i nga mahi Maori o to matou nei kainga, ara, i nga mahi Maori i pai ai te Atua hei mahi ma te tangata. E ta, e mea ana matou kia whakaroatia mai e koe etahi ra mo matou, hei haerenga atu ma matou. Kahore ano i tae mai etahi tangata atu o etahi kainga atu, i te roa o te whenua. E whakapai ana matou ki tau karanga ki a matou, kotahi te [Bottom of page] Ki a Kawana, na Te Manihera