ki tau tikanga, ki te tikanga tuku o Wairarapa. E mea ana ahau kia peneitia hoki a Heretaunga e koe. Ko nga Pakeha whangai hipi korerotia e koe ki Kawana kia kaua e haere ake ki Heretaunga, ka rite a Wairarapa i a korua; na Kawana te tikanga ki a koe, kia haere ake koe ki Heretaunga kia korero taua, ara, tatou katoa ko nga rangatira o Heretaunga. Kia rongo koe, ko nga rangatira o Heretaunga kua whakaae ki Heretaunga kia tukua ki a Kawana: ko Kuraupo, ko Te Hapuku, ko Tareha, ko Te Karawa, ko Puhara, ko Te Waihiku, ko Te Paraone Hakihaki, ko Karaitiana Takamoana, Te Waka Te Kawatini, Te Wawapo, Te Matenga Hokimate,Te Wiri, a Kariwenua, a Te Tore, a Tareahi, a Mapu, a Te Aria, a Te Wakaunua, a Paora Te Kawakawa, a Te Paea, a Tohutohu, a Tamairanga, a Hupataweao, a Te Nahu, a Hineipeketia, a Hori Niania, a Paora Kopakau, a Te Waka Papaka, a Morena, a Te Ropiha Te Takau, a Hoani Matua,a Kuka Teari, a Wiremu Te Rangituroa. Na, ki te mea ka tae ake koe, ka rongo koe ki te whakaaetanga o etahi kia whakahoretanga o etahi. E ta, koi ki koe he parau tena pukapuka, he pono, he pono tenei ture ki a koe. Na Te Harawira Te Tatere rau[a] ko Hoera Wakataka