14 Hurae 1853 E hoa, e Makarini, Kia rongo mai koe, he kupu taku ki a korua ko Kawana kia utua e korua to matou whenua a Waiariki. Me whakaae mai korua ki ta matou tikanga. E kore e pai kia waiho kau te whenua, engari me utu e korua ko Kawana aianei ano. No te mea noku ake ano te whenua, ehara i te tangata, koia au ka tohe tonu ai ki a koe kia utua, ta te mea e haere ana matou ki Taranaki, no konei matou i tohe tonu atu ai ki a korua kia utua to matou whenua. Ka tohe tonu ahau ki a korua, e kore e mutu taku tohe ki a korua. Na Tamati enei korero. E hoa, e Te Makarini, Ki te whakaae mai korua ko Kawana ki tenei tikanga, e pai ana. Kia horohoro tonu mai i runga[?] i taku kupu.