26 Akuhata 1852 E hoa, e Te Kawana, Tena ra koe me nga tangata e noho mai ana i ena wahi. Tenei ano au te tahuri atu nei i a koe mo tau kupu e tuhituhi i mua ra, hei te aroaro mahanatanga ka tae mai koe. Kia rongo mai koe ki taku kupu, ehara i te kupu whakawai naku ki a koe, otira he kupu tika. Me whakaaro tonu te upoko o te tamaiti nei ki runga, ara ko te tamaiti tenei ko te wahi e tohea nei e taua ko Waitara. Kei mea ko maku e whakamutunga nga korero mo konei, kaore, e kore e waiho i raro, me hapai tonu e taua ki runga. Kaua e waiho noa e koe. Ko taku kupu tenei ki a korua ko Makarini. Kati hoki te hurihuri i nga whakaaro, kia hohoro mai te utu i tena wahi, ta te mea naku te timatanga, no muri ta Rawiri Waiaua, no muri nei a Ngati Kahuhunu, no muri ta Parata, akuanei ka utua e koe nga mea i muri, ka kapea e koe taku te tuatahi. Ko tenei whakaotia, e Kawana. Katahi ano au ka tono atu ki a koe koia tenei, me utu a Waitara i enei takiwa. Kia rongo mai koe ki taku