19 Tihema 1848 No Otaraia, i tuhituhia ai ki a Te Kepa E ta, Tenei ano ta matou korero ki a koe. Ka tuarua mai matou ki a koe, kia kite matou i a koe, kia korero matou mo to matou whenua ki a koe. E ta, kia rongo koe, e kore e tukua atu e matou to matou kainga ki a korua ko Kawana, ahakoa ko nga karangatanga a nga tangata o Wairarapa ka riro te whenua, kahore e tukua atu. Koi whakarongo koe ki ta ratou korero, whakaae koe i runga i ta ratou tikanga, kahore i tika. Ahakoa ko nga roherohenga i karangatia ai ki a koe, ko Tauhe[re]nikau, ko Mataraua, ko Parinu[i]okuaka, ko Waingawa, ko Pukaka, ko Te Kotukutuku, ko Rangitumau, ko Parae, ko Tamaki, ko Te Kapurangi, ko Kumurau, ko Tuhaumi, ko Wareama, na, kia rongo mai koe, ko enei kainga e kore e tukua ki a koe, hore rawa, ka mau katoa te pupuri e matou.