Akarana, Te Tuihana 12 Pepuere 1847 E hoa, e Te Makarini, Tena ra ko koe. Ka nui toku aroha ki a koe, ki a koutou katoa ko to taua nei iwi. Tena ra kia tohe koe ki te korero ki a ratou, kia noho pai marie ratou kei kino ki nga Pakeha, otira kia atawhai tonu, kia aroha nga Pakeha ki nga tangata Maori, me nga tangata Maori hoki kia aroha ki nga Pakeha. E hoa, e Te Makarini, tena ra koe, me to taua nei iwi kia tohe koe ki te korero ki a ratou, kia pai marie ta ratou noho. E hoa, e Te Makarini, e raruraru tonu ana ahau mo te mahi a Te Paraone, e whakararuraru tonu ana ia i a Poharama raua ko Wiremu Kawaho. Koia ahau ka tuhituhi atu ai ki a koe, e pouri ano toku ngakau ki te mahi he o tena Pakeha. E mea ana au mau e korero tena Pakeha kia whakamutua tana mahi ki tera kainga.