Ki a Te Wiremu tenei. E koro, Tena koe. E ta, e he ana ahau ki tenei korero e kia mai ana e korua ko to hoa, na maua ko ta taua potiki i whakahoki nga utu o to koutou kainga. Erangi, e ta, te mea i rongo tonu atu ai matou a ki te waha o Te Makarini, no to whakakakenga i nga utu i he ai to kainga. Mehemea i rite ki runga i ta maua e rite ana, no te korenga, kaore i rongo ki tona kupu i ki atu ai kia tae mai ki konei ki a matou, ka hoki atu ra ka karanga ai nga utu, me maua hoki, kei a Puhara, kei a Hori, kei a katoa e takoto ana tena kupu. He waiata: Noku nga rongo korero, waiho ki wanatu ra te matau o Maui, mauria atu ra e Wi hei o tira haere ki Poneke. Naku, na Te Hapuku