TE KARERE O TE RONGO PAI.
'No. 23.
TE HUARAHI KI TE RANGI.
Imua tata ake nei, i ahau e haereere ana i Banana, ka ieka mai tetalii tangata ; totororo mai ana tana ringa
ki taku pakihiwi, ka mea mai, “ E tama, e tika atu ana ranei koe ma te huarahi kite rangi ? ” Tika tonu atu ana ia i tana haere, kihai hoki i whanga mai ki taku whakahoki atu i tana patai. Oho mauri ana ahau ; aka whakaaroaro i roto i taku ngakau, “ Te huarahi kite rangi! ko tehea te huarahi ? Me pehea e tae atu ai te tangata ki reira ? E puare ana ranei kite katoa, e hiahia ana kite haere atu ma reira ? E takahi ana ranei aku waewae i taua huarahi ? Mehemea i uia mai ki a koe taua patai, kua □era ano pea nga whakaarohanga o to ngakau : ako taku niahia inaianei, kia ata titiro tahi taua ki nga tikanga e wha o taua huarahi kite rangi.
(1). Te hanganga o taua huarahi.
(2) Te whakatuwheratanga o taua huarahi. (3) Te tomokanga atu ki taua huarahi. (4) Te ahua o taua huarahi.
I te tuatahi,
TE HANGANGA O TAUA HUARAHI.
Kia tino marama ou maliara mo tenei, e kore hoki e taea e koe ake te mahi. I maliara nga tangata onamata, ka taea e ratou te hanga i tetalii pourewa kia tutuki rawa kite rangi ; a kihai i oti. Tena e ahua rite ana ano nga tangata o tenei whakatipuranga. Puranga ana ratou i a ratou inoi, a ratou whakaritenga i te ture, a ratou mahi pai katoa ; maliara ana ka hangaia e ratou ki ena mea ta ratou huarahi atu kite Atua. Otira taihoa. E hohonu ana te tawha i waenganui i a korua ko te Atua. E kore e whiti noa te tangata i runga i ena pohatu takahanga waewae. Ki te whakamatauria e koe, ka taka, a, toremi tonu atu ki te hohonutanga o te reinga.
2
Ko te huarahi ataahua tonu te mea tika mou ; timata ai i te wahi e tuna koe, a tika tonu atu kite torona ate Atua. Na kia whakapaingia tona ingoa, kua oti taua huarahi te hanga. Na te Atua tonu i mahi. He rahi no tona aroha, i tahuri ai ia kite whakaora mai i nga tangata e hoariri ana ki a ia, i tera taha o te tawha ; na reira, i timataria e ia te waihanga mai i tona taha, he huarahi, hei whakawhitinga atu ma tatou ki a ia.
Nga kia tika ai te hanganga o taua huarahi, i purangatia e ia ki runga ki tana Tama kotahi, nga whakataunga he i tika ai ma tatou. A i roto ite pouritanga mete mamae nui i tau ki a ia, i Maunga Kawari, i a Ihu e waha ana i te riri nui a te Atua ; i whakotakotoria ai te turanga u tonu o taua huarahi atu kite rangi. A, ki to mahara, pehea te rahi o te wahi i oti i taua takiwa ? Oti katoa !
I te mea e iri tonu ana te Kaiwhakaora i runga i te ripeka, ka puakina e ia tena kupu nui, “ Kua Oti.” Oti katoa, te mahi i haere mai ai ia kite mahi ma tatou ! Oti rawa te arawhata hei whakawhiti atu i taua tawha whakamataku, e takoto ana i waenganui o te hunga hara, me te Atua tapu rawa. Oti rawa te hanganga ote huarahi, e tika atu ana i nga hohonutanga o te hara, ki nga teiteitanga o te rangi ! Oti, oti katoa ; kahore tetahi wahi iti rawa i toe, hei mahinga ma tatou.
Ki te whakaaro ake a etahi tu tangata, kahore ano i ata oti rawa tena mahi. Ki ta ratou titiro, ma te Karaiti ake tana wahi o te mahi, a ma ratou ano e mahi i ta ratou ake. Ki ta ratou hiahia, ma ratou tahi e hanga i te arawhata, hei whakawhitinga atu i te takiwa i waenganui i a ratou mete Atua. Ma te Karaiti tona wahi ma ratou ano ta ratou. Kia rite te hanganga kite piriti nui i hangaia ki Banana. I timataria te whaihanga i tetahi taha, i tetahi taha ote awa. He tangata ke i tetahi taha, he tangata ke i tetahi taha e mahi ana, a tutuki noa i waenganui o te awa te otinga. E kore rawa tetahi e tae atu kite rangi i runga i tena tu arawhata.
E, kahore, kua hangaia mai i te talia kite Atua, te arawhata, a oti noa mai ki to tatou taha. Te huarahi e tae atu ai tatou kite Atua, he mea man mai kia tatou i tera taha. Na tona ngakau aroha i tohutohu i tenei tikanga. Na tana Tama i mahi, a mana katoa te whakahonore.
Hei konei ka titiro tatou kite tikanga tuarua,
TE WHAKATUWHERATANGA O TE HUARAHI.
Ina oti tetahi huarahi hou, e whakaritea ana tetahi tangata ingoa nui mana e whakatuwhera kite iwi nui
3
tonu. Ite otinga o tetahi awa-keri nui i Ingarangi, hei huarahi mo nga kaipuke nunui, hei mau atu i nga taonga o te tuawhenua kite moana ; i whakaritea ma te Kuini tonu e whakatuwhera. A, i pera ano te whakatuwheratanga o te huarahi kite rangi. I whakatuwheratia e la tonu nana te mahi ; ara e te Kingi o nga kingi. Otira, ko te tikanga, me heke rawa atu ia kite mate ite tuatahi, kite whakanoa ite mana a Hatana ; kei tahuri taua hoariri ate tangata, kite kati ite huarahi hanga hou, kite hunga hara.
Heoi heke iho ana te Kaiwhakaora ki roto kite pouritanga, mete mate. Takoto ana ia i roto i te urupa. Mahara noa pea a Hatana, kua riro iaia te mana. Otira kia whakapaingia te ingoa ate Atua, kahore ! No te toruo nga ra ka wahia e Ihu nga here o te mate, a maranga ake ana i te poka. Titiro, ka ara ake ia me tona mana nui, ka kake ki runga ! Tuwhera ana nga tatau ote rangi. Haruru ana te rangi, i nga whakamoemiti a nga anahera, mo te tomokanga atu o te Kingi o te kororia, me nga tohu whaka-ho-nore ote whawhai e mau ana ki tona rae. Karanga ana ratou, “Kua puare I kua puare nga tatau o te rangi ! ” Hohoro ana ta ratou kawenga i tena rongo nui, ki nga wahi katoa o te rangi i runga ; a heke iho ana te Wairua Tapu kite ao nei, kite kawe mai i te rongo pai, ko nga tatau o runga i puare hei tomokanga atu ma Ihu,
E PUARE TONU ANA
e puare ana mo te hunga hara, e puare ana mou.
I pera ai te tikanga ote whakatuwheratanga ; I heke iho a Ihu kite hanga i te huarahi, a kua kake ake ano kite whakatuwhera ite huarahi; a kua heke iho te Wairua Tapu kite whakaatu mai kia tatou, ma roto mai i nga Karaipiture, kua tuwhera te huarahi hei haerenga atu ma te tangata ; ahakoa te rahi o ona hara.
Na kua tae tatou kite tikanga tuatoru,
TE TOMOKANGA ATU KI TAUA HUARAHI.
He mea rahi rawa tenei ; maumau noa hoki ki a koe te hanganga o tenei huarahi kite kore a tomokia e koe. Tera pea koe e ui mai ; “Me pehea taku tomokanga atu kite huarahi kite rangi ? Heaha te tatau e uru atu
ai ahau ki reira ? Whakarongo mai ? Na te Kaiwhakaora
ake enei kupu ; “Ko ahau te tatau ; kite waiho ahau hei huarahi tomokanga, atu ma tetahi, e ora ia.” Waitohungia tena rarangi I E whakatu mai ana hoki ko,
TE KARAITI TE TATAU E TOMO ATU AI
kite huarahi e tika atu ana kite rangi, a kahore ke atu.
Na ona roto i hanga i te huarahi.
4
Na tona kakenga i whakatuwhera i te huarahi. Ko ia ake te Tatau e uru ai ki taua huarahi.
Titiro, ko te karangatanga kia tomo atu, kia ora ai ano hoki, e tukua ana kite katoa. E karanga ana i a koe. E ki ana hoki, “ Ki te waiho ahau hei huarahi tomokanga atu ma tetahi, e ora ia.”
A tena, heaha ra i kore ai koe e tomo tonu atu inaianei ? Haere mai ra ki a Ihu. Koropiko ai ki ona waewae ; kite kore, e kore rawa koe e tomo atu i te tatau. Heaha ranei te mea e arai ana i a koe, e kore ai koe e tomo atu i tenei takiwa tonu ? Kahore noaiho. He mahi poraneri te noho ki waho, i te mea ma te hikoinga waewae kotahi, ka pahure i a koe. Kia maia ra ! Puta tonu atu ite huarahi whanui, kite mea kuiti ; ki waho ou ake, ki roto ki a te Karaiti. Ehara i te mea uaua ; kotahi tonu hikoinga a heoiano. E ki mai ana pea tetahi tangata, “ E kore e whakaponohia e au tena tu tikanga o te whakaoranga, he honor© rawa.” “Ne ?” “Ae, ki taku titiro, e kore e pera rawa te hohoro ote whakatahuritanga ate tangata.” “ Taihoa ; kua kite pea koe i te tangata e tomo atu ana ma tetahi tatau ?” “ Ae, maha noa atu aku kitenga.” “A i pehea te roa ote taima i pau iaia ?” “ E kotahi noa pea te hekena.” “Ae pea. Ai te kianga nei a Ihu, 4 Ko ahau te tatau, ’ e mea ana, ko koe e tu mai na i waho i tenei takiwa, ka ahei i te hikoinga waewae kotahi, te tomo atu kite wahi e ora ai koe mo ake tonu atu.” E kore ranei koe e rongo, e whakapono ano hoki INAIANEI TONU ?
Tena, kia tirohia te tikanga whakamutunga :
TE AHUA O TE HUARAHI.
He “ ara kiki ” (Matin 7. 14,) a e kore e pahuri atu ma reira nga mahi a te kikokiko, nga tikanga ranei a te tangata. Ki te tomo atu koe ma reira, me whakarere rawa atu koe i ou ake tikanga katoa, a me whakawhirinaki koe ki ate Karaiti, ki aia anake. Na, ahakoa e kiki ana te ara, a e araia ana i reira nga tikanga a te tangata, tena atu ona whakapainga. I tetahi wahi ote Paipera e huaina ona ko “te huarahi ote Ora.” Kei tetahi wahi ko “te ara o te Oranga.” Tetahi, ko “te ara o te “ Rangimarie” A, meinga ana ano hoki ko “te huarahi a te AtuaT
Heoi me mutu i konei nga whakaaturanga. Taku e tino hiahia ai, e akiaki atu nei, ko nga tangata katoa kia tae mai ki a te Karaiti ; ki reira ata whakamatau ai i te ataahuatanga o enei mea katoa. —[From “ The Way to Heaven,” (No. 2,) by H. P. Barker.]— “Tidings of Grace” Series.
Printed by H. J. Bushnell, for the N.Z. Native Tract Institution.
Permanent link to this item
https://paperspast.natlib.govt.nz/books/ALMA1900-9918933473002836-Te-huarahi-ki-te-rangi
Bibliographic details
APA: Barker, H. P. (1900). Te huarahi ki te rangi. New Zealand Native Tract Institution.
Chicago: Barker, H. P. Te huarahi ki te rangi. Gisborne, N.Z.: New Zealand Native Tract Institution, 1900.
MLA: Barker, H. P. Te huarahi ki te rangi. New Zealand Native Tract Institution, 1900.
Word Count
1,782
Te huarahi ki te rangi Barker, H. P, New Zealand Native Tract Institution, Gisborne, N.Z., 1900
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Acknowledgements
E mihi ana Te Puna Mātauranga o Aotearoa ki Te Hāhi Mihinare ki Aotearoa, ki Ngā Moutere o Te Moana-Nui-a-Kiwa anō hoki, nā rātou i kaha tautoko i te whakaputanga o ngā mauhanga kōrero ki runga te pae tukutuku nei.
The National Library of New Zealand would like to acknowledge the support from the Anglican Church in Aotearoa, New Zealand and Polynesia in making this writing available on this website.
Log in