TE PIHOPA O WAIAPU.
Kua puta te whakaatu a Pihopa Hetawiki (Sedgwick) o Waiapu, e tuku ana ia ki raro i tona turanga pihopa a te mutunga ote tau nei. Ki tona whakaaro hei te mea tamariki ake hei hapai i, nga mahi o te pihopatanga i naianei. Ka tekau marima tau ia e pihopa ana mo Waiapu. He tangata pai, humarie, whakaiti. He maha nga mahi i oti i ona ra. He Pihopa uaua ki ana mahi pihopa. Na te uaua, me te aroha ki tona Hahi i tuku ai ia ki raro i naianei. He matug, Ire hoa no te katoa. He tangata ngahau. Ka awangawanga rawa atu ona minita ki a ia, me nga mangai o te iwi otira tona Pihopatanga katoa. I whanau ia i te tau 1856 ki Fremantle, Ingararangi. He minita tona matua. I whakaakona ia ki Maidstone, Kent, St.
Martin’s, York, ki Christ’s College, Cambridge. I riro mai ona taitara i te tau, 1881. I te tau, 1882 ka whakapangia ia e te Akepihopa o Canterbury hei minita. I te tau, 1884 ka uru ia hei minita manuao. I nga whawhai i Ihipa ka riro mai i a ia te mera Suakim mete Khedive’s bronze star. Ite tau, 1885 mahue i a ia te moana ka hoki ki uta. Ko ia te minita o Hockley Heath i te tau 1886 ki 1889. Ka mahue a Ingarangi ka whakawhiti ki Awherika. Ka minita ia mo Vryburg, Bechuanaland, 1889 ki 1893. I te tau, 1893 ki 1896 i Bedford waahi o Cape Colony ia. Ka hoki ano ki Ingarangi, ka mahi mo etahi marama i Evershot. It te 1891 he minita takahoa ia no te Earl of Home. Ko te taenga mai tenei ki Niu Tireni nei ki Waikari, North Canterbury, 1901 ki 1903. Ka nekehia ki Akaroa 1904. Ka neke ano ki St. Luke’s, Christchurch tae noa ki, 1913. No te, 1914 ka whakawahia ia hei Pihopa mo Waiapu.
Permanent link to this item
https://paperspast.natlib.govt.nz/periodicals/TOATAK19290701.2.5
Bibliographic details
Toa Takitini, Issue 95, 1 July 1929, Page 1016
Word Count
325TE PIHOPA O WAIAPU. Toa Takitini, Issue 95, 1 July 1929, Page 1016
Using This Item
See our copyright guide for information on how you may use this title.