Untitled

Toa Takitini, Issue 95, 1 July 1929, Page 1016

whakairo, tukutuku, kowhaiwhai. Ko tenei te waahi i tino awhina nui mai ai te Ropu nei i a koutou. Ka taonga ki to ratau taone ki Nepia. Ka tu hoki hei Pou whakamahara ki o koutou whaea, ki nga Mihi Wiremu, ki nga Bulstrodes, me koutou hoki. Tena ra e WHAE ma, e HINE ma, awhinatia mai tenei whakaaro. Ki Etahi Atu E Hiahia Ana Ki Te Awhina Mai. E te Iwi awhinatia mai te Whare-Karakia o a tatau tamariki. He mea tuturu tenei, ko te whare-karakia o te kura, te matapuna o nga mea atahua e whiwhi ai te tamaiti. Pakeke rawa ake kua u te whakaaro hopohopo kite Atua. Kua toha atu hoki ia i tena ahuatanga ki ona uri. He tino tokomaha nga tamariki i akona ki Hukarere kua takiputa hei naahi, hei whakaako kura; ko te mea nui rawa ia hei whaea mohio ki te roperope i o ratau hua hei iwi maori mo nga ra kei te heke iho. Ka totika nga whaea, ka pai nga uri, ka ora te iwi. Tukua mai nga whakaaro ki a R. E. H. Pilson, P.O. Box, 227, Napier.