85.—HE TANGI MO TE HEREKAU.

Toa Takitini, Issue 88, 1 December 1928, Page 62 (Supplement)

85.—HE TANGI MO TE HEREKAU.

Na RUTERA. gati-Whakatere, gati-Raukawa.) Na Te Taite Te Tomo i whakamarama. E ki ana a Te Taite ki tona rongo na Rutera tenei waiata mo tona tane mo Henere Te Herekau, e korerotia ra i te waiata nama 42. Ko Henere ite motu i Kapiti i tana wa. Ko Rutera iTe Putaru, e tata ana ki Foxton. Ka tae atu a Hami Tai-ki-te-rawhiti ka ki atu, he nui te mate o Henere, ka tangihia nei e Rutera te tangi nei. Henere Te Herekau=Rutera I Kerenapu=Te Piwa Te Tomo I Te Taite Te Tomo. Kei nga wahi katoa ote motu nei e waiatatia ana. Ka tae he iwi ka whakawhitiwhitia etahi o nga kupu kia rite kite take mo reira ta ratau na tangi. Ina hoki kei te pukapuka a McGregor (5.42) he penei te timatanga:— 44 Nei ka noho i te ngongohau O te Karetoi, etc.” Ko nga waiata maha i roto i te pukapuka a McGregor na nga Maori i riro herehere i te whawhai i Rangiriri i te 23 o Noema, 1863. I mauria atu ratau ki Akarana, a utaina ana ite tuatahi ki runga kite manuao, 44 H.M.S. Curacoa.” Ko ia ra ta ratau whakamaoritanga o te ingoa o taua manuao, ko te 44 Karetoa.” Kei te B. 3/75 e kiia ana e Paitini Wi Tapeka, na Rangihore tenei waiata mo tona matua, engari kei reira ano enei kupu “teao e rere mai i Kapiti.” Kei roto ano hoki aua kupu ite M.275, i te S.L. 195.

(Ref.: M. 275, S.L. 195, S. 42, B. 3/75.) E noho ana i te whatitoka 1 0 toku whare, o Te Pungarehu 2 ; Whakaanga 3 tonu te kanohi kite hihi ote ra, Ka kai tonu mai ki taku kiri. E te hautonga e pupuhi nei, E wero ra ko* i taku tinana. E tama, tu ake ki runga ra! Ko te kore weweru hei uhi iho mo te kiri ra Ka pau te tikaro e aitua; 1 huia 4 ake nei aku turi ki poro kaki. Me mihi kau atu, me tangi kau Te ao e rere mai i Kapiti 5 , e Kau! E arohatia nei e au; Aku mate tau tini, Aku mate taurua kite whare. Moe hurihuri ai maua nei ko taku hoa, E moe kino atu ra, e! *Whatitoka. —Ki etahi “ te roro.” 2 Te Pungarehu. —Ki etahi “ aitua,” no nga whakawhitiwhitinga tena. He whare i Te Putaru. 3 Whakaanga, etc. — etahi, “Whakamau te titiro ki te hihi o te ra.” 4 1 huia ake, etc.—No nga whakawhitiwhitinga ka peneitia, ” 1 huia mai nei nga mate ki a tatou.” s Kapiti. Ko te motu i waho o Otaki. 6 E Kau. Mo Te Herekau.