66.—HE WAIATA TANGI.

Toa Takitini, Issue 88, 1 December 1928, Page 34 (Supplement)

66.—HE WAIATA TANGI.

No Te Tai-rawhiti, Ko te kaupapa i taia nei ki raro nei no roto i te pukapnka a Tiwana Turi, he, pukapuka tuhituhi, kaore ano i perehitia. Tera ano nga wahi i whakatikatikaia. Kei roto ano tenei waiata i te pukapuka a McGregor (S. 2/45). Ki tetahi korero na Rangiuia tenei waiata, he tangi mo tana tamaiti. Ki tetahi korero na tetahi tangata ko Hohepa te ingoa, no te rawhiti. Ka mate ona tamariki ite whakama ka haere kite hi ika, ka ngaro atu. Ka whanga tangata ra ki ona tamariki he ra na, ; he ra na, kaore i pjita mai; ka mohio ia kua mate. Na, ko tona haerenga hoki tena kite moana, mate tonu atu. Ko nga tino whakamarama ia o tenei waiata kei te ngaro. (Ref: T. Turi P. 23, S. 2/45.) He rangi l au e tatari, he raro au e manako Mo taku mea ra, kaore ano i puta mai I te ra ka taau, ka tu mai kai uta; I te tai ka taui ka maunu mai te hukinga.

Tenei te rere nei i runga i te au whakaheke, Ka hangai 2 kite rae kia Uatunui nei. Ko wai kai te ta, e whakatangi ana i te hoe? Ko Tutehurutea, 3 ko koutou, e hika ma e; Kai Mangarara ka rangona atu e au, E whawhai ana mai koi lutata ki uta ra; Ko te waka ra, e, kia toia ki tahaki. Ka riri mai na koe ki taku whakakeketanga; Ko wai ka tohu iho ko te rangi tonu tenei o te mate. Ka hupeke na koe, te akito 4 rawa iho. Ko te ngenge ra, e, ka waiho nei ki ahau; Kuru rawa i aku iwi i te ra roa o te waru. Kia noho atu au i konei, e hika ma e; He matihe ia nei e hoki mai kite ihu e i. iHe rangi.—Ki ta McGregor e penei ana, “ E rangi au he tatari, e raro au he mahara.” 2 Ka hangai.—Ki ta McGregor, ** Ki Whangai-whanga, ki hauhau a tonu atu”; ki aTe Taite, Ki Whangaiwhanga, rawhiti ki Auahitunui. ' —Ko te Tutehurutea nui kei te rawhiti e korerotia ana he mokopuna na Materoa, he tama na Tamaihu; ka moe i a Uetuhiao ka puta mai ko Te Atau ratau ko nga taina, e kiia nei ko nga Kuri paka a Uetuhiao. akito rawa iho.—Kei ta McGregor “te ia ki Toranga iho” He pohehe tera no te tangata nana i tuhi.