TE TAPIRI.

Toa Takitini, Issue 88, 1 December 1928, Page 53 (Supplement)

TE TAPIRI.

. .NAMA 57. Ki Te Etita. 'J'ENA koe kia ora tonu i roto i nga manaakitanga maha. Heoi te mihi. Na nga whakamarama i puta i roto i te Toa koia i whai waahi ai maku nei ki te tuhi atu mo runga ite waiata e kiia ra: — “ Ra nga tai ka ivaahi rua i te aw a” Tenei waiata kia matou nei no Taranaki nei, na Hitarere, he wahine rangatira, no enei takiwa no Ngati-Ruanui. Te putake o tenei waiata mo tona hiahia tanga kia Koti Ropia he momo rangatira no Ngaruahinerangi. Te rongo nui 0 tenei wahine mo tona toa ki tenei mahi kite moemoe i nga tamariki rangatira o era wa. Ki te rangona eia tera tetahi tangata momo rangatira ka whakapau ia i tona kaha ki te tapae 1 tona taonga hei manaaki ma ana i taua tangata. E kiia ana ia he tino wahine toa, timata iho i runga tatu noa ki rare- Ko Hitarere tena! Ka puta nga rongo o Koti Ropiha, he tangata atahua, he mea ta ki te moko, he rape hoki kei nga papa, he tau, he kori kite haka, ka mahara te wahine nei kia taea rawatia eia taua tangata. Ta raua ngaki atu pea, ka tae pai raua kia raua, ka tupu nga mahara tuturu i roto i a Hitarere me tuturu rawa tenei otira kaore nga matua i whakaae, kua taunahatia ketia kia Nunumi o tona ake hapu ara o Ngaruahinerangi te tangata nei a Koti. No nga mahi i taua wa he whakataetae ki nga mahi haka.' Ka tu tetahi ra nui ki Te Kopanga, ka hui nga iwi, ko te mahi he haka. Ko Ngarauru, Ngatihine, Whanganui me nga iwi o Te Tai Whakararo ka hui katoa, tona toa, tona toa. Ka puta he iwi, ka puta he matua. Ara a Hitarere te titiro ra ki nga kapa haka o tena iwi o tena iwi. Ka taka ki to Ngaruahinerangi, titiro atu ai, ana, ko te tangata ra kei waho tonu te arero, nga whatu me te marama, nga niho we te pipi-taiari, te moko, te rape, ka mau-te-wehi. Ko Koti tonu ia! Ka hoki ra nga mahara o Hitarere ki nga ra o mua me nga whakaaro o mua, otira ka mahara ake ia kia Nunumi, katahi ka ngawari tona ngakau hianga, ka hotu te manawa, mutu rawa, tau rawa ki raro katahi ka whaka huatia ona mahara i roto i te waiata i te aroha ake kite taane kua riro ra i tera wahine rangatira, heoi ka mate roto nga whakaaro o Hitarere. Koia ka titoa e Hitarere tenei waiata ki Puketi, kei reira hoki a Whanganui-a-tara e tu ana he whare nui no enei iwi. Koianei te kaupapa tuatahi o taua waiata: — Ra nga tai ka waahi rua mai kei te awa E te roimata ka tarutua iho I te weherua po-i-anei

Kei te kai-whenako te ngakau Ki nga mahi ra o taku itinga Hoatu hoki au i pakia Hei koha korero ki nga iwi Ka hira taku tara te rongo Waikato E aki ana ki Whanganui-a-tara Ko to wairua i aha mai whakahewa Kia ahu ake tenei kei te ao v Kaati tahaku ko te awhitanga Me tuku atu ki to hoa moenga I nawhea hoki koe ka takitahi I nga rangi ra e uru e wehi ana E waka tenei au ka huripoki Ka pae kite one ki Whitikau He rongo i tae mai no aku raho Ka rau maroke i te ra e whiti nei! WHAKAMARAMA:—Ko te rongo o Waikato ki nga pakanga e kaha ana te rere haere, pera hoki me tona rongo kite mahi taane haere, ka kiia e te kupu o te waiata rahi ke te rongo o tana mahi, i to Waikato i roto i nga rohe o Taranaki, me nui o te korerotia i roto i Whanganui-a-tara, ara te whare e hui ai te iwi nei a Ngaruahinerangi ki nga mahi a Hitarere. Ko Whitikau he kurae ak am an am ana tenei na enei iwi, kei te taha-whaka raro o Patea. He nui nga waiata o konei e whakahuatia ana a Whitikau. Ma Te Kaihanga koutou katoa e tiaki, Na Kopua Rangataua Keepa • Ngati-maru-hara-nui. Kopurangi, Inglewood. ■