19.—HE MATAKITE (papa).
NA MAUNGAHARURU (Tuhoe). Ko tenei waiata kua taia ki te pukapuka a Hori Kerei, e kiia nei ko “ Nga Moteatea.” Kei reira ano e kiia ana, he mata. I korerotia ano tana waiata e Paitini Wi Tapeka ki a Te Peehi, na reira nga whakamarama o te take mai o tana matakite. E ki ana a Paitini na Maungahruru i tito; he matakite na te atua nei na Parehouhou mo te whawhai ki te Waimana, ki a Ngati-Awa, ki a Te Whakatohea. Ko te kaupapa i whaia ko ta Hori Kerei, ko te mea tera e tino rangona ana, e waiatatia ana, engari ko nga ingoa i waiho i ta Paitini: —
Whakarongo! Whakarongo ra te taringa Kite hau taua, e hau mai nei Kai te tai, kai te uru! Hurihia! 1 Hurihia ki muri ki to tuara, Tikina taku ika Ki waho kite moana nui a Kiwa E takoto mai nei, He koronga! He koronga noku kia tae au Ki nga uru kahika, Ki Ohui, 2 ki Oama. Kia kata noa mai te kikitara, 4 Kotikotipa, 3 kohurehure, Kiki pounamu! E tangi ana ki tona whenua, Ka tipuria nei e te maheuheu: 5 Tangi kau ana te mapu e.
HE WHAKAMARAMA: iHurihia. Ki ta Paitini e penei ana: “ Hurihia taku ika ki waho kite moana nui a Kiwa.” Ko te mea e rangona nuitia ana, ko tenei i runga nei. 2Ki Ohui, ki Oama. E ki ana a Paitini kei Opotiki enei wahi. Ki ta Hori Kerei e penei ana: Ki Ouru, ki Owhawha." Na, ma te hunga e marama ana e whakatikatika mai. 3 Kotikotipa. Ki ta Hori Kerei e penei ana: Kotikoti pae.” Ko ta Paitini e penei ana: Kotipatipa.’’ Ko te mea ite waiata nei ko ta Te Wiremu, i roto i tana “ Dictionary.” He manu tenei mea. ■*Kikitara. He kihikihi. Kohurehure: he manu. Kikipounamu: he ngarara. Kotikotipa: he manu. s, Maheuheu. He taru, he otaota, he tohu no te whenua mahue. (E maharahara ana au kei a Te Arawa tetahi whakamarama mo te kaupapa o tenei waiata, e rongo ana hoki au ki nga kaumatua o reira, he tino waiata na ratau. A. T. Ng.)
Permanent link to this item
https://paperspast.natlib.govt.nz/periodicals/TOATAK19241101.2.17.2.1
Bibliographic details
Toa Takitini, Issue 39, 1 November 1924, Page 27 (Supplement)
Word Count
36219.—HE MATAKITE (papa). Toa Takitini, Issue 39, 1 November 1924, Page 27 (Supplement)
Using This Item
See our copyright guide for information on how you may use this title.