HE KOHURU NO TE KAHA.
ITE Wenerei te 12 o nga ra o Hune nei ka tae mai nga rongo o tetahi kohuru kino rawa no Te Kaha, i patua ai e te tuakana tona ake taina, i tata ai ano hold etahi atu tokorua te mate i a ia. Ko nga tangata o te raruraru nei ko te whanau a te Wi Repa, ko te Hamana, ko Tamehana, ko Tuhitara me te Pakeha. Ko te putake o te raruraru, he ririri na ratou na, engari na te kai rangatira nei na te waipiro i whakakaha te ngakau, te tukunga iho kotahi i mate, tokorua kei te Hohipera, kctahi kei te whare herehere. Ko nga korero tenei a nga kai korero i te whakawatanga o taua raruraru i Opotiki. Ko Te Hamana raua ko Tamehana kaore i te tino pai ki a raua i taua wa, mo ta raua kanataraki te take. I te Wenerei i puta ai re raruraru, ka tae mai te Pakeha, ko Maurana te ingoa, kite kainga o nga Wi Repa. E ono ona pounamu wehike i mau mai ai. Ka kainga e ratou ka pan, ka haere ano te Pakeha nei ki te tiki i etahi atu patara e ono. Ka pan etahi o enei ka haere te Pakeha nei raua ko Mahuika ki roto i te Kauta kite kai ma raua. Kua po i taua wa. Rokohanga atu e raua i reira a Te Hamana me Tamehana, ko Tamehana e riri ana ki tona tuahine ki a Te Owai, mo tona wahine te take. No te kahanga o a raua korero, no te meatanga o Tamehana kia patua e ia a Te Owai, ka uru atu a Te Hamana ki roto. Kua riro ma raua te kohete, riri tonu atu. Ka wavvaotia e Mahuika raua ko te Pakeha. Ka puta a Te Hamana ki waho. Kaore i roa ka hoki mai ano raua ko te tuakana ko Tuhitare. Rokohanga mai e kowhete ana ano a Tamehana raua ko te tuahine. Ka riri ano nga tokorua nei. No te kahanga o te riri ka rere atu a Tuhitare me te Pakeha ki te wawao. I taua wa ka maunu i a Tamehana tona oka ka okaina tona taina a Te Hamana, i haeatangatia ko te puku, Ka karanga terakua werohia ia kite naihi. Ka werohia ano hoki a Tuhitare raua ko te Pakeha, ko te ringaringa me te waewae to Tuhitare, ko te waewae to te Pakeha. Ka tangohia e te Pakeha te naihi ka patua e Tuhitare a Tamehana, ko tona patu e ki ana ia, he patu tonu atu kia hemo. Ka mate ka tahuri ki te mahi i a Te Hamana kati kaore i taea te mahi. Te hokinga ake o te koiwi o Tamehana ka whakatika, ka oma, mahara rawa ake nga tangata kua ngaro. Ka mauria a Te Hamana me nga tokorua i werohia ra ki Opotiki, kite Takuta. Kaore ale Hamana i roa ki Opotiki ka mate. E torn nga ra o Tamehana kite huna ka hoki mai ki te kainga, ka tuku atu i a ia ki roto i nga
ringa ote Ture. Inaianei kei Akarana ia, e whanga ana kite Hupirimi Kooti. Ko te Pakeha i whainatia e te Kooti i Opotiki mo nga moni £2s, mo tona mauranga waipiro ki te pa. I aroha te Kooti ki taua Pakeha, no te mea ko ia ano tetahi o nga tangata i mate. I korero marama taua Pakeha i tona raruraru, kaore i huna, me tona whaki ano i te nui o tona pouri. Kei te Hohipera tonu raua ko Tuhitare e takoto ana. Tetahi rongo kino tenei: — “ E te wairua e noho nei i roto i te wehike, kite kore he ingoa ke atu e mohiotia ai koe, maku koe e hua ko Hatana.”
Permanent link to this item
https://paperspast.natlib.govt.nz/periodicals/PIPIWH19120601.2.17
Bibliographic details
Pipiwharauroa, Issue 169, 1 June 1912, Page 11
Word Count
637HE KOHURU NO TE KAHA. Pipiwharauroa, Issue 169, 1 June 1912, Page 11
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.