HE ORANGA WHAKAUAUA.
Kite Etita o Te Pipiwharauroa. WHARAUROA tena koe e hoa tukua atu nga kupu torutoru nei hei miharo ma nga motu e rua nei mo tetahi tangata ko Ta Retired te ingoa, he awhe kaihe no Maketu i haere mai tenei tangata i roto i nga ringaringa o te pirihimana i runga i ana mahi kikino, te hara i meinga ai ia kite herea e te ture lie patu i tetahi Pirihimana o te Puke, ka kiia nei e te ture e rua tau mona e here ai. I te wa ka rite ia kite had atu ki Akarana, ko te wa tonu tena ona i oma ai tae tonu atu ki nga takiwa o Ngapuhi ; e whai whaia ana ia e te Pirihimana o nga takiwa o Ngapuhi nei i te marama Aperira. Kati i taea e ia te haere nga motu o te moana hoi ano te motu kaore i taea e ia te haere ko Ingarand. He tangata haere tima, haere kaipuke, i oma ano ia 1 runga i te kaipuke i te taenga o te kaipuke ki Nepia i nga tau kua hud atu ; kati kei a rnatau e noho ana i enei ra: kua puta ia i nga tau mona i herea ai i roto i te 150 Mei 1906. He wahine tana kei Maketu, he matua ona. I puta mai te autaia nei i roto i momo rangatira o Te Arawa. Kati kei te tangi taua tangata inaianei ki ana mahi kino i mahue ai tona hoa wahine me nga matua mete iwi. He nui to matou aroha ki tenei tangata i puta noa mai ki roto ia ngai maua, mete haere tahi mai raua ko te mate i runga i a ia, he mea huna nana tona tinana ki roto i nga mahi puihi o enei whenua na reira te pan ai i te mango lioro tangata; ahakoa te kaha kite whai kaore i kitea i roto i nga tau e rua i mau ai kite here, Na te nui o te aroha o Ngapuhi ki a ia hei kuhu ki roto i ana pu kiore hei kuhu mo nga mea e tata ana te niho o te mango kite kai tangata, na reira ka toe te maia nei i taua mate mona. Kati kua rite ia mo te tuku atu kia hoki atu ki tona kainga i tenei marama ia Hune.
Ete iwi ahakoa tenei ora, kaore i pai; he ora whakauaua tenei oranga. Te mihi mo tenei tangata ko te kaha kite haere mai i ona waewae, ki Parengarenga—Haere i roto i te ngahere. Kai noa ake ite nikau hei oranga mona i te wehi kei puta ki nga kainga ka man Ite here. E wha marama i Rotorua ki Parengarenga i haere mai ai i ona waewae kite kuhu haere i tona tinana kia kaua ia e tae ki te kuru kohatu i Mautini. Kei te awhinatia tenei tangata e matau inaianei tae noa kite wa e hoki atu ai ki tona kainga me tana wahine me onajnatua. Kati kia ora tenei tangata mona ) araia i roto i nga mate mona. Kia ora hoki te ture te kai hopu i te hara o te hunga hara. Hoi ano na to hoa aroha. Na T umin'gi. [Ko Hare Matenga te tangata o Waiapu ka wha nga tau i noho ai i te ngahere, huna ai kei hopukia ete pirihi. Kei tenei takiwa tonu e noho ana, inahoki c kitea ana ana patunga hi pi. Ko te hara o tenei tangata he tahae hoiho kati me i hopukia ki ta herehere kua puta noa mai ki waho, tena koa he whiu nui ke atu, he whiu roa te noho i te ngahere mate kai ai, ngaua ai e te matao noho wehi ai. He oranga uaua rawa tenei. I ki tetahi tangata ko te take i nui ai te main o te tangata i te hara i iti ai i te pai, he mama no te hara, he pai. He tino whakaaro tenei no te tangata, a, i penei ai te whakaaro o te tangata he kuare he kore e ata whakaaro. He mama ranei te mau kite herehere, te huna i te nga- here, te whiua, te noho wehi hoki i tenei ao, a te wehi hoki ina tu i te araoro o Ihowa ? Kei te whakamatopotia te tangata e te Rewera kei kite o ratou kanohi ka mohio he mea taumaha rawa atu te hara, taumaha atu i tenei ao, a, tino kino atu i tera ao. Ete tangata e pohehe nei he pai ano te hara, ma te Wairua o te Atua ou kanohi e whakatuwhera kia kite ai koe i te kino o tenei mea ote hara. "Kahore he rangimarie kite hunga kino, eai ta Ihowa." — Etita.]
Kua tu ko te tama tuarua a te Hetana, ko Tamati, hei raeraa mo Hokitika mo te turanga o tona rnatua. I te marangai nui i te 15 o nga ra i ngaro a Turanga nei i te waipuke, he tini te kararehc i mate ; e rua nga kaipuke i pakaru ko Aotea ki Waipiro, ko Sir Henry ki I hi Kespa, mate katoa nga tangata ; i mate te kapene ote Aotea, tana wahine me ta raua tamati i tokaono kua mahue pani.
Permanent link to this item
https://paperspast.natlib.govt.nz/periodicals/PIPIWH19060701.2.6
Bibliographic details
Pipiwharauroa, Issue 100, 1 July 1906, Page 5
Word Count
885HE ORANGA WHAKAUAUA. Pipiwharauroa, Issue 100, 1 July 1906, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.