Pitopito Korero.
He Whakaarahanga Kohatu. ;No te Ratapu te 15 o nga ra o Akuhata ka hud ake nei, ka whakaarahia te kohatu whakamaharatanga o Hon Ngatai, rangatira o Ngaiterangi i Tauranga. Nga ope whakaeke no Te Arawa, Matatua, Tuhoe, me era atu iwi, a he nui ano hold te iwi pakeha i tae ki taua ra. Ko te taha te karakia i a Revs. T. Pereiha, Komene, me Ratapahi. Ko nga whaikorero i a Mita Taupopoki raua ko Rangi Te Aorere no te Arawa, mo te taha Maori, i a Kanara G. A. Ward raua ko Mr. J. C. Adams mo te taha pakeha. He tino pai taua kohatu whakamaharatanga a ko tetahi wahi na te Kawanatanga. Whenua Maori o Te Urewera. I roto i te ripoata a te Poari Hoko Whenua Maori kei reira e whakaatu ana e 29,796 eka i riro mai no te Urewera i tenei tau. Ka noho ai te nui o nga whenua katoa o te Urewera tae mai kite 31 o nga ra o Maehe 1920 kua riro, mai ite hoko, e 3 2 °>578 ska. Ko nga eka katoa, kei raro ite hoko inaianei e 57»3 2 9- Hei titiro hold i te nui o te raruraru o tenei mea ote hoko i aua whenua, me titiro kite tokomaha o nga tangata 6 aua whenua hei haina mo te hoko. Ko nga tangata tuatahi. tonu no ratou aua whenua (haunga nga kai-riwhi o mud mai) 14,367. Ko nga ingoa katoa hei whakahaina e riro mai ai aua whenua kr te hoko e 17,939. He nui nga mea kahore e hiahia ki te hoko katahi ka tino nui atu te raruraru, Taake mo nga Whenua Maori. I roto i te Paremata ka ki a Takuta Pomare kahore rawa ia e marama Id nga korero a te taha pakeha mo nga whenua Maori. Ka pewhea nga whenua i murua ete Kawanatanga ? Kaore ranei i tika ma aua whenua tonu e utu te take o nga whenua Maori katoa ? Ko te take ke e kaha nei te korero o etahi kia taketia nga whenua Maori, he hiahia tonu no ratou kia riro aua whenua mo ratou. Ko tetahi korero e penei ana, kahore te Maori e mohio ki te mahi na reira me tango 1 a ratou o ratou ,whenua. Kati, nui ke nga hua o te whenua e riro mai ana i te Hainamana i roto i te eka kotahi, i nga hua e riro mai ana ite pakeha. Na reira mohio ke te Hainamana ite pakeha kite mahi paamu. I runga i tenei ahua, e whakaae ranei nga mema i roto i tenei Whare kia .tangohia nga whenua o nga pakeha kia hoatu ki nga Hainamana ?
Permanent link to this item
https://paperspast.natlib.govt.nz/periodicals/KOPARA19200831.2.8
Bibliographic details
Kopara, Issue 79, 31 August 1920, Page 6
Word Count
453Pitopito Korero. Kopara, Issue 79, 31 August 1920, Page 6
Using This Item
See our copyright guide for information on how you may use this title.