HE KUPU WHAKAHAUHAU.

Kopara, Issue 3, 1 December 1913, Page 3

HE KUPU WHAKAHAUHAU.

Kite Etita oTe Kopara. BKORO, ka rua nei nga taunga mai o to mokai o Te Kopara , ki taku kainga, na konei, me hoki atu ano taku whakawhetai ki a koe mo to tononga i a ia kia rere mai ki runga nei toro haere ai i nga morehu oTe Waipounamu. Ka tika kia rangona ano i enei ra o muri te reo o te Korimako, ara, o te Kopara ki a koe ki a Ngatiporou— ano hoki enei manu. Koia tenei, te manu hei whangai ma tatou. Kua rere atu ra a Pipiwharauroa— waiho kia noho atu i tera kainga mamao noatu ona, ara, i nga motu o Rarotonga, o Hapani, o whea ranei, e ki nei nga tohunga matau ki ta te Pipiwharauroa hanga, kahore nei e tau te noho ki nga tai o Niu Tirani. Nawhai ano i kore ai tera e tuturu hei mokai ma nga Maori o Aotearoa raua ko Te Waipounamu—he manu raumati, kahore he kai mana i nga hotoke o Para-te-tai-tonga. Pupuri noa koe e koro, heiaha, kua mate ra hoki ite kai. Ko te ngahuru ano te rerenga mona ki ona tai mahana painaina ai i ona parirau, haha haere ai te moha ite purehurehu mana. Tena ko te Kopara, he tangata whenua tonu no enei motu. Ka ora ano ia i tona kainga whakatupu, ahakoa raumati ahakoa takurua, a, tau atu tau atu e tiutiu haere ana i nga tahataha karamuramu i waho atu oto whatitoka. Otira, e pa, he mokai te manu e rere mai nei i Te Raukahikatea, me whangai-a-ringa ano e orai. Tena, e koe, tane, wahine ranei, e whakarongo nei kite pai ote tangi o tona reo i nga marama katoa nei, keiwhea to rourou karamu, kei maroke te korokoro oto mokai ? Ona taku ka riro atu na—hoatu mana. Na Te Kerehi, Ativikona.