TE TAMAITI MAUMAU TAONGA.

Kopara, Issue 3, 1 December 1913, Page 1

TE TAMAITI MAUMAU TAONGA.

BHOKI kite wa kainga! Mahara he tamaiti koe na te Atua. Mehemea kua wareware koe kite Atua ki tou Matua, kua kotiti ke noatu koe me he hipi ngaro, kua tawhiti rawa atu i a la he karanga te tikanga o enei kupu ka tuhia nei na tou Matua kia hoki koe ki a la. Mana noa ra koe e kore e whakao, e tahuri kite karanga aTe Karaiti e karanga nei i a koe, te ngawari o te reo me he reo anahera, te tangi hoki o te reo. Kei te kimi ia i a koe, kei te rapu kia kitea rano koe, kia noho mana marika koe e ata arahi kite aroaro o tou Matua. Korerotia te 15 o nga Upoko o Ruka ka mahara ai koe ko te tangata e karanga nei i a koe kaore rawa i mamao atu i a koe engari kei tou taha tonu, kei te tino tata ki a koe, kei te pa tonu atu ki a koe. Kia mahara ko koe tonu te tama e taria mai nei e la, e whaia mai nei e tona aroha, kaore ona ngengenga kite tatari kia hoki atu koe. Ko koe te hipi kotahi i ngaro ra e rapua nei e te Hepara pai inaianei, e whakapaua nei tona kaha kite rapu i a koe. Ko koe te piihi hirivva i ngaro ra he hiriwa i patua iho ai te whakaahua o te Atua ki runga, e rapu nei e kimi nei te Wairua Tapu i roto i te Hahi, kaore he mutunga mai ote rapu. Taua ka titiro ki nga kupu aTe Karaiti e rongo ai koe ki tona reo e karanga ana i roto i aua kupu kia hoki koe kite wa kainga. He aha te Whakapono ? He taura here te Whakapono ite wairua ote tangata kite Atua. E hara taua taura ite penei i te oati i te kirimina ranei ara kaore koe i te herea kite Matua i runga i te Kirimina engari ko taua taura he penei ano i te taura here i te papa ki tana tamaiti ake i te tamaiti ranei ki tona Matua ake. Kia mahara he tamaiti tupu koe Nana i runga i tou whakaahuatanga kia rite ki tona te ahua, me to oranga hoki e ora na koe nona. Nana koe i hanga hei take taunga atu mo tona aroha. E kino ano e whakahawea

ranei te tamaiti ki ona Matua otira ehara tena i te mea e kiia ai ia e hara i te tamaiti na raua. Engari ka karangatia tonutia ia he tamiti na raua no te mea ko raua ona Matua. Waihoki e kino ano koe e whakahawea ranei kite Atua e wareware, e kore ranei e hiahia kite inoi ki a ia otira Ida mahara he tamaiti tonu koe nana, no te mea nana koe i hanga nona ton oranga e ora na koe. Ko te mea tino whakamiharo tenei epa ana ki a koe ara ko tou karangatanga he Tama na te Atua. Ko te wahi kino ia tenei ina hara koe i runga i matenga o te ngakau inoi i roto i a koe, i runga ranei i te ngaronga kino o te Atua i roto i ou whakaaro—a koe te tamaiti a te Atua e whakawhiwhia tonutia nei e ia ki nga homaitanga papai katoa a kia whakaaro-kore koe kia kore e pai kite hoatu whakawhetai ki a ia. Ko te whakaahua tuatahi e kitea e tatou i roto i tenei kupu whakarite o te tamaiti maumau taonga (Ruka 15.2) ko te whakaahua o nga tamariki tokorua e noho tahi ana i te kainga me o raua Matua. Ko te whakapono he noho tahi no te tangata ite kainga mete Atua kia rite ki ta te Atua Tama te noho. Ko nga ahuatanga mo te tama me aroha me whakawhirinaki, me whakarongo kite Matua. Kei te pewhea te ahua o tau noho ? Kei te rite ranei kite tikanga ota te Atua tamaiti pewhea ranei ? E korero ana ano ranei koe itera i roto i tou ngakau kite Atua ? E whakawhetai ana ano ranei koe ki a la mo nga manaakitanga huhua e uhia na ki runga i tou tinana ? E mohio ana ano ranei koe kei to taha tonu la i nga wa katoa e kite tonu ana la, e rongo tonu ana, e aroha tonu ana ki a koe ? Kei te wehi mai ranei koe kei pa atu koe ki tetahi hara ahakoa pewhea te iti e mamae ai i a koe tona aroha ? E rongo ana ranei koe ki tona reo e korero na i roto i tou hinengaro ? Kei te waiho ranei la e koe hei Kai-arahi mou, hei kai-tiaki mou ? Kei te whakawhirinaki ranei koe ki aia hei kai-awhina mou ? Kei te whai ranei koe kia rite i a koe ana whakahaunga katoa, ana tohutohu i nga wa katoa o tou oranga? Tena ranei kei te noho hu noaiho koe kaore he maharatanga ake he Atua ano tetahi mea ara ko to Matua tonu nana koe i hanga ; kaore he maharatanga ake hekaranga ano tetahi mahi ki a la i runga ite ngakau inoi. Ko to hiahia ko ou hiahia anake e rite mai i tou Matua engari ko ona me hapa i a koe; me kaua noaiho o utu, me kaua noaiho o whakawhetai mo ona painga ki a koe. E hoa titiro mehemea kua tino ngaro te Atua i roto i ou mahara, mehemea kei te pau katoa ou mahara ki nga mea o tenei ao, ki nga mea hei painga mo tou ake tinana; mahara kei te takoto mai i tou aroaro te oranga mutunga kore a inaiatata ake nei ka tae koe ki reira. Ka pewhea koe ina tae koe ki reira ko iana to ahua ko te ahua e wareware na koe kite Atua inaianei. Otira he wareware pai noaiho pea tou e wareware ana i etahi wa e whakaaro ana ano i etahi wa. Mehemea he pena kati ra kati te kotiti

mahara he tamaiti koe na te Atua, haere e hold kite wa kainga kei tata atu ana koe. Ka mutu ano te wa hei hokinga kite whare o ton Matua kite wahi e hari tonu ai koe uru noa kite oranga mutunga kore e takoto mai nei.