3
J.—7
Tuaiwa. E tukua noatia ana nga pakeha ki te hoko i te wahi kotahi o ia tangata o ia tangata e mohio i te whakaritenga a tetahi engari, me hui hui tonu nga tangata i te karaati ki te kore ratou e e noho tahi, me kati rawa te hoko i te whenua. 4. Ko etahi enei o nga tini he, o nga raruraru nunui i ekeugia te tangata maori e te ture mo o matou whenua tenei ake ka kitea era atu tini he, kei te mea ka whakaaetia e te Paremata kia tahuri ki taua mahi. 5. I roto i nga nohoanga e toru kua pahure atu nei ko te korero tonu tenei a te kawanatanga a tenei ratou ka anga ka mahi i tetahi ture hou, ture marama, hei ritenga mo nga whenua o nga tangata maori a tatuana te ngakau o te tangata maori ki enei ki taurangi a tatari marire ana matou kia pumau ai aua kupu a te Kawanatanga, a moroki noa nei ka pore ano matou kia kite noa i te hua o aua korero a te Kawanatanga engari i rongo kau matou i nga ki taurangi. G. I roto i nga tau kua pahure atu nei ka tonoa mai etahi pakeha e te Kawanatanga ki ia whenua ki ia whenua hei patai haere kia matou a korero mai ana aua pakeha kia matou i te ture hou a te Kawanatanga a whakaatu ana matou i nga mate me nga raruraru katoa e tau nei ki runga ki a matou, na te mahi he a to kouton Kooti whakawa whenua na te mahi ho hoki a nga roia a nga Kaiwhakamaori. 7. Mehemea i ata rite marire nga whakaaro a te Kawanatanga mo nga tangata maori penei kua awhina matou e te Kawanatanga a penei kua oti ke tetahi ture whakahaere i te tika i te marama. 8. Awangawanga ana matou kei whakapuakina ano nga kupu taurangi a te Kawanatanga e tenei nohoanga ate Paremata aka whakahua ana nga korero ahuareka mo to ratou ture hou. Ko te ture ia e kore matou e kite i te otinga. 9. E pouri ana matou i tenei mahi tinihanga a te Kawanatanga koia matou ka tono atu nei ki te Paremata kia aro mai kia matou to ratou whakaaro a ma ratou e akiaki i te Kawanatanga ki te whakatuturu i o ratou kupu. 10. Ko nga tangata maori anake i uru i roto i te Pakeha i te whainga, i noho marire i runga i te tikanga o te ture i hangaa c te Paremata, ko ena nga tangata i mate i mea hoki ratou he ture pai te ture mo te whenua, ruritia ana o matou whenua a karaatitia, notemea i kiia hoki na reira ka tino pumau ai te whenua mo matou i to mana o te Kuini a ko tenei ka tata te pareho o matou whenua i te mokete i te hoko a noho pohara ana matou noho whenua kore ana. 11. Mehemea kahore matou i whakapono ki te ture a te Pakeha me i rite matou ki nga iwi tutu, pena me te iwi o te Kingi e pupuri ana i te whenua i runga i te tikanga maori penei ka toitu rawa ano kia matou o matou whenua, a e kore e pau ite nama, ite waipiro, i nga nama iti noa iho ranei. Ki nga pakeha tinahanga. 12. A ko tenei engari ano me mutu te mahi a te Kooti Whakawa Whenua i te mea e kore c hangaa tetahi ture pai atu i tenei kua oti nei Koia matou i tono ai ki te Paremata kia whakakahoretia nga ture kikino e mau tonu nei a kia hangaa mai he ture hou e taea nei to mohio e matou a kei ngaro rawa o matou whenua i te nama, i te waipiro, kei moketetia te whenua i runga i te korero a te tangata takitahi te korero nui ai kia nga tangata katoa o te karaati kei whakarerea matou kia mau i te ringa a te roia a te kaiwhakamaori o nga pakeha hoko whenua penei ka taea era atu kino te pehi. By Authority: Geobgb Didsbuet, Government Printer, Wellington.—lB73. Price 3d.]