TE RA O TE TOHORA I TAIRAWHITI na Te Tane Tukaki Me timata ake taku korero i te timatanga i te whakanohonoho i nga tangata mo runga i te poti. Otira kaore me timata e au i te timatanga o tenei mea o te patu tohora no te wa i moemoe ai nga Pakeha i nga wahine Maori o tenei takiwa, ka timata mai te ako i te Maori i taua wa ki te patu i tenei ika i te tohora. Me ki au he ika tetahi wahi, he kararehe tetahi wahi. Ka puta mai nga uri, i toku wa nei, ka puta mai nga tau iwi a aua uri toa ki te patu i tenei ika. No reira ka korero ake au i te ahuatanga o te korero i toku wa i noho ai au i runga i tenei mea i te poti. Ka whakanohonohotia nga tangata mo runga i te poti ka korero te iwi, me whakanohonoho he tangata mo tena poti, mo tena poti, mo tena poti. Katahi ka whakanohia nga tangata o runga o te poti. Ko te tangata o te hiwa e kiia ana he Potitiu, engari kaore au e mohio pehea te whakapakehatanga o tera ingoa o te potitiu. I muri mai o tena ko te tangata wero, a tuku i te wero. I muri mai i tena he pou, na kei te mohio koutou ki te reo pakeha mo te pou, e whaia tonutia e te Maori ko nga ingoa o runga o te poti, ko nga ingoa pakeha e whakahuaina mai ka whaia ki te reo, ki te taha Maori, no reira, ka kiia he pou. I muri mai i tena he mitipua, kei te mohio koutou ki te tikanga o tera korero e kiana he mitipua. I muri mai i tena he tapuhoe, he tapura. Ko tera tangata e noho ana ia i te taha o te taapu, te taapu ra, koira te wahi kei roto te taura e takotoana. Ko tera tangata, tana mahi he whakakau i nga hoe i na paahi te weera ara te tohora. I muri atu i tena he awheroa. I muri atu i tena ko te hetimana, otira te mete, te kapene o te poti. Ka noho enei tangata, kua mohio enei tangata he nui rawa o ratou tuunga, i runga i te poti. Ka tae ki te wa e karangatia kia haere ratou ki te whaiwhai weera, whaiwhai tohora, na, ka mohio tena tangata ki tona nohonga, ki tona nohonga, ki tona nohonga. Kati ake mo tena taha, me huri taku korero ki toku wa i eke ai au ki runga i tenei mea i te poti. E paku tonu ana au ka eke au ki runga i tenei mea i te poti, toku nohonga he awheroa. I ki ai tera wahi he awheroa ka timata te hoe o te poti ka apiritia mai taua hoe e te mete, ka rua ai raua ki te kimi, ki te hoe. Ma konei katoa hoki e whangai te whiu o te hoe o te poti.

WHALING DAYS ON THE EAST COAST In this article, which is a reproduction of a Radio talk in Maori, Te Tane Tukaki talks about the early Whaling days in the Bay of Plenty particularly on the coast from Te Kaha to Cape Runaway. He states that whaling was started by certain pakehas who settled in the area and married Maori women. Their descendants in their turn became expert whalers. The whalers were organised into boat teams each one was assigned a special place and a special task in the team and as soon as ever the alarm of whales was given the boats were manned and each one knew his job. The writer himself was the cox for he was but a small boy when he joined the crew of a whaling boat. The boat he first went to sea on was called “Agnus” after Samuel Hei's sister. The recognised leading whaler at the time was Friday Hi. When Te Tane Tutaki was a boy—whaling was the chief occupation of the people—both men and women took part and the young people looked upon it as a great sport. Whangaparaoa is the Maori name for Cape Runaway and Tukaki thinks it was so named because the Maori ancestors who landed there found a huge whale or Paraoa cast up on the beach, hence the name—Whanga—(Bay); Paraoa—(Whale): Whale-bay.