TE INGOA NEI AOTEAROA

Toa Takitini, Issue 105, 1 June 1930, Page 2084

TE INGOA NEI AOTEAROA

Kite Kaka ariki whakaaraara ote pa tana, ara kia te JToa Takitini: Tena koe. Mo te Waka nei mo Aotearoa, me te tipuna nei me Noa. Kei te korero tonu nga uri o Maui-Tikitiki-a-Taranga, i nga ingoa ote Ika ato ratou tipuna— i a Tonganui—-i a Aotearoa. Ka u mai nei a Matatua, a te Arawa, a Tainui, a Kurahaupo, a Takitimu, e noho tonu ana nga tipuna tangatawhenua i runga i te Ika roa e takoto nei; e noho ana i roto i o ratou pa maioro, i a Kaaputerangi, mete Whaitinui-a-Toi me era atu. Kei te koreo tonu enei tipuna a Potiki ma, tae iho nei ki nga koroua matua, ki te tapanga a Maui i tona Ika kia Aotearoa. Ka man haere tonu iho nei ki nga uri-whakaheke tae mai nei ki tenei whakatupuranga. I te mea kaore e ahei tetahi tangata ke hei tapa ingoa mo te taonga a tetahi tangata ke, i te mea kua tapaina nei te ingoa o te Ika a Maui ki te waka o Turi ko Aotearoa. I te ngaro te he kua whanui. Nawai i ki, ma te tangata haere mai e tapa he ingoa mo taku whenua? Te whakapapa o Noa: — Na Rameka Ko Rarotake Ko Noa Ko Poutu Ko Hema, ko Hama, ko lapeta Ko Pouhaere Ko Tawhaki Ko Powhakataka Ko Wahieroa Ko Poaniwaniwa Ko Ratanui Ko Maheeatu Ko Tuwhakararo Ko Maheawa Ko Whakataupotiki Ko Takahuriwhenua Ko Ngaremoana Ko Murirangawhen|ha Ko Rakataura Ko Taranga Kauaruwahine Ko Rarotimu Me mutu i konei Me whakamarama i konei. Ehara i te mea he whakahe, engari he titiro iho. Ka pai hoki te Wairama tau hononga ake i a Tawhaki ki a Hema, i a Hema kia Noa, a Nnoa kia Rameka; mehemea ra koianei tau whakapapa o roto i uo whare Wananga. Te aronga nei kua tikina e koe ko to te Karaipiture hei whakaupoko, a ko o taua tipuna hei waewae. Ka pai hoki. Anei hoki tetahi whakapapa o tana tupuha, kai runga hoki i tenei Waka o taua, ara i te Whare Wananga i a Tupapakurau, i te Manukatutahi i Whakatane:

Kua heke tenei ki nga iwi katoa tae atu kia Kingi Potatau Te Wherowhero. Ko Tapuaiterangi raua ko tona taina ko Rata nga rangatira o tenei waka o Matatua; na raua i farei hei waka mo raua, hei ngaki i te mate o to raua papa o Wahieroa. He roa nga whakamarama, engari kaati i konei Kia ora nga Etita • Tuhitaare Heemi Ruatoki Nth. 20/5/30