TE HAERE A TE PIHOPA MAORI KI INGARANGI

Toa Takitini, Issue 99, 1 November 1929, Page 1919

TE HAERE A TE PIHOPA MAORI KI INGARANGI

Ko matou ko nga minita Maori o te Pihopatanga o Waikato kei te tino tautoko kaha i te haere a to tatou Pihopa ki Ingarangj‘. Ehara ite mea he ngakau whakahihi, whakamanmana ranei i penei ai matou, ehara hoki i te mea ma tenei haere c mate rawa ai te whakapono o te Iwi Maori. Mehemea. ma tenei haere e mate ai to tatou whakapono, kanui rawa te rahirahi o tenei whskapono, E te Iwi, tukua to tatou Pihopa

kia haere hei kanohi mo tatou. Ehara tera haere i te haere whakamatakitaki, engari he haere ki te ako ite hohonutanga ote matauranga o te iwi pakeha , o era atu iwi hoki. Ka tae reira, ka tongo atu i nga ahuatanga o era iwi. Ko reira ia whakaki mai ai i taana putea, hei toha haere ki nga iwi a tona hokinga mai. He aha koia te kino o te kitea mai e nga Iwi nnnui o te ao he Pihopa ano to tatou, ehara i te mea hei take whakahi, engari hei titiro mai, tenei ano he peka iti rawa no te Rakau nei no te Kongo Pai, hei aroha mai, hei whakaahura mai, hei atawhai, hei manaaki, hei inoitanga. Ko te mokopuna rawa hoki tenei. Na reira i kotahi ai to matou nei reo to nga minita Maori o tenei Pihopatanga o Waikato kia haere to tatou Pihopa. Mehemea he haere roa e pan te tau, nuku atu ranei katahi ka ruarua te mahara. Tena ko tenei e hia ake ano marama kua hoki mai ano, kaore e tino nui to tatou hoki whakamuri. Hori Raiti (Atirikona) Karira Karaka (Kenana) Hemi Pou (minita) Kahi Harawira (minita) N.B. 1 te mea i ahua kaha te whakapuputa a o tatou kai arataki o te taha wairua, o te taha tinana, i o ratou whakaaro mo te haere a te Pihopa ki Ingarangi; no reira kawhakataungia e te Taha Maori o te Pihopatanga o Waiapu kia waiho ma te Pihopa raua ko Ta Apirana e aata whiriwhiri tenei take. Nga Etita.