HE PAREKURA.

Toa Takitini, Issue 96, 1 August 1929, Page 1042

HE PAREKURA.

I roto i enei marama o te takurua nei ka hinga mai ra nga taone nunui o te ao i te akinga a te hau, a te ru, a te marangai, mohio term iho tatou kei te aue, kei te tangi, kei te maniac te ao mo tenei ahuatanga. Waihoki no roto ano i enei tupuhi ko te parekura i pa kia Ngati Porou. Ko te hoawahine tera oTa Apirana Ngata. Kei te hotu tonn te manawa tangi o Ngati Porou ki ona aitua rangatira. No roto ano i enei tupuhi ko te parekura o Ngati Taoi. Ona mana, me ona rangatiratanga kua heke kite po i tenei ra. Ka moe a Uenukukopako i a Taoi Te Kura, ko Taoi Kaiawhawhare, ko Taoi Tikitiki Toetoe. E waiatatia ra ite waiata a Peou “Taoi Kaiawhawhare, na Kiritau ko Ueroa” I te waiata a Tupari e ki ana “Taoi Te Kura Tikitiki Toetoe ko Tupari ra e” Ko enei mana ko enei rangatiratanga i hinga tonu ki runga i o ratou waka rangatira, tapu hoki. E ki rate waiata a Peou “Tainui, Te Arawa, Matatua, me era atu o nga waka—Hoturoa, Ngatiro, Tamatekaupa, Rongokako, Tamatea, nga tangata o te Arawa i whakapiraratia ki nga whenua nei.” Ko to te Arawa karangatanga no Maketu ki Tongariro. Ko nga tuahine ote Heuheu me ta raua tamaiti mete Rahui

Ngamotu e takoto mai ra kei te ake o Tongariro. Haere ehoa koutou ko o tatou whaea ko Te Kahui raua ko te Rohu. Kei te au o Waikato ko Tupu Taingakawa. Kaore e taea te korero. Kei te au o Rangitaiki raua ko Tarawera i heke iho nei i runga i nga maunga tapu i Ruawahia, i Putauaki ko Maata Rangitukehu Kei te au o Whakatane ko Ihipera Kerei. Enei katoa no te hope o Taoi Uenukukopako

Ko Tupu Taingakawa te whakamutunga o nga pakeke taniwha o Waikato. Haere ra e koro, koutou ko to whanau. Rohea atu e koe te ao tawhito, waiho ake te ao hou kia oke ana i taana oke. I to koutou na wa e mohiotia ana te pani me te rawakore. I tenei wa, nga rangatira ki nga rangatira. Nga whai moni ki nga whai moni. Nga rawakore ki nga rawakore. Nga tutua, ki nga tutua. Ko te mea nui i roto i nga whakaaro o te hunga naana i tuku enei korero ki te Toa, ko te whakamihi ote ngakau ki o tatou tupapaku i hinga ki tena Hahi ki tena Hahi o tatou, hui atu hoki ki nga kai hautu o aua hahi. Ka maha oku tuponotanga ki nga tupapaku Ringatu. Ka tapaea ma te minita nga karakia katoa tae atu ki te nehu, ara minita Mihingare. Ina etahi o nga wahine tino rangatira o runga i nga Waka, ko Merewakana Timiwaata, ko Maata Rangitukehu. He pou enei wahine me o raua hoa-taane no te Hahi Ringatu. I te wa i taki hemo ai ka tukua mai ma te Hahi Mihingare nga karakia katoa, me te nehu. He maha nga tamariki e tukua mai ana ma te Hahi Mihingare e iriiri tae atu hok ki nga marenatanga. E tika ana kia nui nga mihi kia Eru Tumutara Pihopa o te Hahi Ringatu, naana enei manaakitanga ki te Hahi Mihingare< Eki ana hoki a Eru ko te Mihingare hoki te kaupapa ote Hahi Ringatu. Kei te whakahoki haere ia i te karakia a te Ringatu kia rite ano ki ta te Mihingare. Kua kitea e Eru kei te he te pupuri a te Ringatu i te Hapati. Ko te Hapati “kua oti te kanga” Ko te Ariki o te Hjapati ko te Karaiti. E ki ana a Paora “Mehemea kaore a te Karaiti i ara he moumou te karakia, he moumou te kauwhau, he moumou te pupuri i nga Ture, me nga Poropititanga me nga Hapati. Kanui te mohio ote Pihopa o nga Ringatu kite Karaipiture. Na konei hoki i mama ai taana whakakotahi mai i runga i nga mahi. E ki ana hoki ia “Tatou tatau.” He penei ano te Hahi Ratana ara nga waahi e tupono atu ana ahau. Kanui te pai o nga kai-whakahaere. Tera tetahi tupapaku no te Arawa ko Piri Wiremu i mate atu ki Tauranga, he ratana. I whakahokia mai ki Rotorua. Haere katoa mai taana whanau me o ratou apotoro, akonga. I te taenga mai ka tukua katoatia mai nga karakia me te nehu ma te Mihingare. Ana, kia ora ano te Hahi Ratana. Ko nga kai-whakahaere o te Hahi Ratana kei konei kei te whai-haere i nga kupu a Ratana, e ki ra:— 1. Noku katoa nga Hahi e karakia ana kite Atua. Tena ko nga hahi e karakia ana ki te ruru, kite tuna, kite poaka ehara ena. 2. Kia mau ki tou Hahi ki tou Hahi. Kei te pewhea tatou ki tenei kupu? Kei te mau ranei kei te takahi ranei.

3. Te kaha nei te mana nei kia koutou me a koutou tamariki mokopuna. Kaua e aro mai ki ahau. 4. I ki a Ratana: Ma te kotahi ra ano o nga Iwi Maori ki raro kia Ihowa o nga mano, katahi ka puawai nga mea katoa. Tena kei te pewhea? Kua kotahi ranei? Kaore ano. Na reira ka pokepoke noaiho tatou i te takiwa. E ki ana te Pihopa Ringatu, Tatou tatau. Kei te kaha hoki ia ki te whakatinana i taua kupu. E ki ana te Pihopa o Aotearoa nona nga Hahi katoa e karakia ana ki te Atua. Tena e nga Upoko o tatau Hahi, karangatia he hui ma tatau mo enei take, kia whano te tutuki kia taua ki tenei iwi iti rawa i raro o te ra nga kupu a to tatau Ariki “Meinga ratou kia kotahi me taua e kotahi nei” Hoa, 21.22. Kia rite ai hoki ta te Kai-Waiata 133. ‘‘Ano te pai, te ahuareka o te nohanga o nga teina, tuakana i te whakaaro Jcotahi” Ka kore tatau e whakarite i enei whakahaunga ka rite ki ta Paora “Ahakoa korero noa ahau i nga reo o nga tangata o nga Anahera ka rite ahau kite parahi tangi kite himipora tatangi” I Kori. 13. Kia ora mai ano tatau katoa M. M. Tumatahi, Rotorua, 27/7/29.

Taoi— i I I -Uenukukopako I Kiritai Hineaupounarau Te Toreheikura Kurataiwhakaea Te Ata Tuata Te Potatau Tawhiao Ueroa Tamahika Te me Tukutuku Waimapihikura Te Kata Rangiatapure Te Tapoko Kerei Ihipera Hinewai Turaki Ruia Mare Heuheu Te Te Ririwai Rongo Ra Rangiheuea Tautini Wire Rangitukehu Maata '^^Rahui „ :