TE INGOA NET "AOTEAROA."
Kite Toa Takitini: Tukua atu enei kupu ruarua nei kia kite iho taku hoa a Dr. Wi Repa. I runga i nga reo korero o to tatou tupuna matua, he reo ano, lie reo ano. No reira ka haere atu i runga i te korero mo te ingoa nei mo Aotearoa. He kaha ui te kaha. Ko wai te tipuna naana i tohi, i whakahua ranei, i aranga ai tenei ingoa i mua atu o te wa i tae mai ai nga waka ki tenei motu? Ko taku ki kaore kau. Ko Kupe anake te tuatahi mai ki tenei motu. Kaore tahi ona hoa. No muri o te Wai puke tona taenga mai, tona hokinga atu. Naana i tohu te ara mai mo Turi ki konei. “Me whakam an tonu kite ekenga mai ote ra.” Kaore a Kupe i korero i te ingoa nei Aotearoa. Kaore. Kaua tatou e hanga korero noa ake i muri o nga korero a nga matua. Kotahi ano te ingoa Aotea he waka no Turi. I whakatotohutia ki Kawliia. I haere a Turi na tahaki te whakataki i te awa i Patea, ko tera tc waahi i tohuria mai e Kupe hei noanga mona. Ko te kupu tenei kia Turi ‘'Haere e kite koe i te awa e tika ana te puaha kite uru koia tena hei kainga mou.” Kaati ko te waahi i waiho tonu iho te whenua ko Aotea. Ko te Aotearoatanga kei te he. He mahi na te tangata, kia kotiti ai i te ingoa o te waka. Pai tonu te tapanga ito tatou motu kite ingoa nei Aotea. Na te whakahuatanga ke hoki kia tutuki koia Aotearoa. Pai tonu te tapanga kite Pihopa. No tana hoki no te maori tena ingoa i tohia mai ki Hawaiki: no “Taane tuturi. no Taane pepeke.” E toku hoa e Wi Repa kia ora ano koe. Ka pai koe hei wero korero ma taua ki nga iwi tohunga o te motu. Kia ora i raro i te maru o to tatou ariki o Peneti me tona Atua. Kapua Rangataua Keepa Purangi
Permanent link to this item
https://paperspast.natlib.govt.nz/periodicals/TOATAK19290701.2.15
Bibliographic details
Toa Takitini, Issue 95, 1 July 1929, Page 1027
Word Count
350TE INGOA NET "AOTEAROA." Toa Takitini, Issue 95, 1 July 1929, Page 1027
Using This Item
See our copyright guide for information on how you may use this title.