Untitled

Toa Takitini, Issue 94, 1 June 1929, Page 996

Ka mutu te hui i Ngaruawahia tata nei, ka hokihoki nga iwi, ka haere a te Puea raua ko te tungane ko Tonga Mahuta ki Omahu, kite tangi ki a Taranaki Te Ua; ko to raua kaumatua i haere tahi ai ratou ko Hongihongi. I whaikupu a Hongihongi i te po i poroporoaki ai, ‘‘Ki te uia te kupu o te hui i tu nei ki Ngaruawahia, kotahi tonu te kupu, Tatou! Tatou! I mua atu ra e rua nga kupu Koutou! Koutou! Matou! Matou! Na, waiho tatou i te kupu o muri nei.” E rua tekau ma rima nga tan i tu ai tera kupu a Timi Kara te “Taihoa-” Ko te tumanako kia kaua e pera rawa te roa ka pono ai taana kupu tuarua i roto i o tatou ngakau, i runga i a tatou tikanga, i runga i a tatou mahi. Ina hoki tetahi kumenga atu o taua kupu ra, “Tatou ka tirotiro i nga waahi pai o tatou, i te taha ngawari, i nga waahi i tauriterite ai nga whakaaro Akuanei ia na ka kitea he maha noa atu aua wahi, maha ake i nga wahi kikino, i nga wahi taikaha, i nga wahi i rereke ai tetahi i tetahi.” Ma nga tai-tamariki enei kupu e whakaaro i roto i te wa o te tauhou e pepehatia nei.